Minpracy: Najmalnik ciapier abaviazany adpuskać baćku niemaŭlaci ŭ dadatkovy sacyjalny adpačynak
Najmalnik abaviazany dazvolić baćku niemaŭlaci da 14 dzion adpačynku. Pra heta paviedamiŭ namieśnik ministra pracy i sacyjalnaj abarony Valeryj Kavalkoŭ u efiry prahramy «Kontury» na telekanale ANT, paviedamlaje BiełTA.
Prava baćki skarystacca 14-dzionnym sacyjalnym adpačynkam da dasiahnieńnia dziciem šaści miesiacaŭ abumoŭlena ŭstupleńniem u siłu abnoŭlenaha Pracoŭnaha kodeksa. «Źmianiłasia toje, što najmalnik budzie abaviazany ciapier jaho dazvolić (raniej było na mierkavańnie najmalnika)», — rastłumačyŭ Valeryj Kavalkoŭ.
Taksama Kavalkoŭ nahadaŭ, što z hetaha hoda źmianilisia ŭmovy karystańnia siamiejnym kapitałam, jaki naličvajecca pry naradžeńni treciaha dziciaci. Pamier siamiejnaha kapitału ciapier vyznačajecca ŭ biełaruskich rublach, a nie ŭ dalarach, i składaje 22500 rubloŭ. Jon budzie štohod karekciravacca z ulikam indeksa spažyvieckich cen. Akramia taho, praduhledžana mahčymaść daterminovaha vykarystańnia srodkaŭ — na palapšeńnie žyllovych umoŭ, atrymańnie adukacyi albo miedycynskich pasłuh, u tym liku stamatałahičnych.
Jašče adna navina — za pryznačeńniem siamiejnaha kapitału možna źviartacca nie tolki pa miescy rehistracyi, ale i pa miescy faktyčnaha pražyvańnia.
Kamientary