«Technałahičny dopinh». Krasoŭki Nike zmušajuć spartovyja sajuzy ŭvieści standarty abutku
Najkaŭskija krosy Vaporfly adroźnivajucca ad zvyčajnych tryma momantami: u ich jość ubudavanyja płaściny z vuhlarodnaha vałakna, ich ściłki asabliva toŭstyja, i hetyja ściłki zroblenyja sa zvyšspružynistaj kandensavanaj pieny.
Kožny z hetych elemientaŭ źmianšaje stratu enierhii pry ruchu, a ŭ kambinacyi hety efiekt jašče macniejšy.
Lehkaatletyčnyja sajuzy schilajucca da vysnovy, što mienavita heta dazvoliła mnohim spartoŭcam pabić rekordy ŭ roznych biehavych dyscyplinach. Heta vymušaje spartovyja sajuzy pastrožyć normy, jakija rehulujuć abutak. Havorka idzie pra svojeasablivy «technałahičny dopinh», jakija stavić roznych atletaŭ u niaroŭnyja ŭmovy.
Mižnarodnaja fiederacyja lohkaj atletyki maje apublikavać vyniki acenki ŭpłyvu novych technałohij vyrabu abutku da kanca studzienia.
Mahčymyja abmiežavańni nie začepiać amataraŭ.
Ciapier isnujuć standarty taŭščyni ściłki dla skakunoŭ, na biehunoŭ jany nie raspaŭsiudžvajucca.
Najkaŭskija krasoŭki Vaporfly, vonkavaja fiška jakich — fluarescentnaść, kaštujuć bolš za 500 biełaruskich rubloŭ, ich harantavany pieryjad efiektyŭnaści składaje ŭsiaho 320 kiłamietraŭ, što stymuluje spartoŭcaŭ časta ich mianiać. U ich rekłamie Nike śćviardžaŭ, što jany majuć «ubudavanuju sakretnuju zbroju, jakaja daje adčuvańnie šturška».
Inšyja vytvorcy taksama raspracoŭvajuć anałahičnyja «šuzy», ale jany pakul ad «Najka» adstajuć.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary