Stała viadoma pra namier jašče adnaho apazicyjnaha palityka paŭdzielničać u prezidenckaj kampanii 2020 hoda. Havorka pra staršyniu Biełaruskaha kanhresa demakratyčnych prafsajuzaŭ Alaksandra Jarašuka.
«Svaju pazicyju ja ahučvaŭ nieadnarazova: u nas nie isnuje alternatyvy abjadnańniu apazicyi. I tolki ŭ takim vypadku isnuje sens udziełu ŭ vybarach. Kali jość alternatyva realnaha abjadnańnia, to ja taksama ŭbaku nie zastanusia.
Šmat ludziej mnie prapanoŭvała i prapanoŭvaje brać udzieł u prezidenckaj kampanii. Ja čuŭ i bačyŭ siońnia, što adbyvałasia z inicyjatyvaj najbujniejšych subjektaŭ apazicyjnaj palityki. Ja ciapier vyrašaju: brać udzieł ci nie brać? Mahu skazać, što absalutna realny toj varyjant, što ja prymu stanoŭčaje rašeńnie.
Adrazu mahu skazać, što heta nie budzie vyłučeńnie ad arhanizacyi Biełaruskaha kanhresu demakratyčnych prafsajuzaŭ. Z majho boku heta było b biezadkazna ŭklučać niezaležnyja prafsajuzy ŭ palityčny praces.
Heta mocny sihnał, što jość ludzi, jakija hatovyja achviaravać svaimi intaresami dziela adzinstva. Naŭrad ci niechta mianie pierakanaje, što moža być niešta lepšaje za vyłučeńnie adzinaha, asabliva ŭ toj momant, kali biełaruskaja ŭłada słabaja jak nikoli. U takich umovach možna havaryć pra «elektralnuju pieramohu», — zaznačyŭ Alaksandr Jarašuk.
Alaksandru Jarašuku 68 hadoŭ. Jon rodam ź vioski Unučki Kamianieckaha rajona. Pa pieršaj adukacyi — ahranom, pa druhoj — palitołah. Pracavaŭ u Ministerstvie sielskaj haspadarki, Minskim abłvykankamie. U 2002 hodzie ŭznačaliŭ Biełaruski kanhres demakratyčnych prafsajuzaŭ. U 2001 hodzie, kali jašče byŭ staršynioj prafsajuza sielhasrabotnikaŭ, vyłučaŭsia na pasadu prezidenta, ale nie atrymaŭ rehistracyju.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary