Šatłandyja rašyłasia na ekśpierymient: nalivać biazdomnym ałkaholikam biaspłatna
U šatłandskim horadzie Hłazha zapuskajecca prahrama dapamohi biazdomnym ałkaholikam, piša Bi-Bi-Si. Im buduć nalivać biaspłatna, ale pad nahladam lekaraŭ.
Dla piłotnaha prajekta, jaki inicyjavała šatłandskaja aktyvistka i pravaabaronca Keren Makłaski, užo znojdzienaje pamiaškańnie i sfarmiravanaja rabočaja hrupa ź miedycynskich rabotnikaŭ i sudovych ekśpiertaŭ.
Šatłandyja nie pieršaja sprabuje takuju schiemu. Padobnaja dapamoha daŭno paśpiachova pracuje ŭ Kanadzie.
Miarkujecca, što pieršymi ŭdzielnikami prahramy stanuć biazdomnyja Hłazha, jakija nieadnarazova traplalisia na złačynstvach, učynienych na hlebie ciažkaj ałkaholnaj zaležnaści.
Lačeńnie hetych ludziej i baraćba z nastupstvami takich złačynstvaŭ abychodziacca biudžetu ŭ sotni tysiač funtaŭ. Tak, pieršyja siem čałaviek, jakija patencyjna mohuć uvajści ŭ piłotny prajekt, byli saŭdzielnikami 1630 złačynstvaŭ. Adzin ź ich 427 razoŭ traplaŭ u miascovuju balnicu.
Usie hetyja ludzi nieadnarazova sprabavali lačycca ad ałkaholnaj zaležnaści, ale biespaśpiachova.
Makłaski spadziajecca, što pad nahladam śpiecyjalistaŭ hetyja ludzi buduć pić mienš, ich zdaroŭje palepšycca, u suviazi z čym kolkaść biudžetnych hrošaj na ich utrymańnie skarocicca.
Nie ŭsie śpiecyjalisty ź joj zhodny. Prafiesar Džonatan Čyk ź lakarni Castle Craig u Šatłandyi, jaki lečyć ludziej ad ałkaholnaj i narkatyčnaj zaležnaści, ličyć, što značna bolš karyści pryniasuć inviestycyi ŭ tradycyjnyja schiemy lačeńnia.
Ciapier čytajuć
Siarhiej Cichanoŭski pierabraŭsia žyć u Łos-Andželes45
Kamientary