U Navahrudku ŭstanavili pamiatny znak Adamu Mickieviču, paviedamlaje sb.by sa spasyłkaj na «Novaje žyćcio».
Pryčym u bareljefa była svaja pieradhistoryja. Bareljef, vyrab jakoha datavany pačatkam XX st., byŭ znojdzieny jašče da Novaha hoda. Pamiatny znak ź dziuraluminiju byŭ adnoŭleny i pieradadzieny kaściołu Śviatoha Michaiła Archanioła. A ŭ minułyja vychodnyja bareljef z profilem Adama Mickieviča ŭračysta byŭ ustalavany na budynku byłoj daminikanskaj himnazii.
Staršynia Navahrudskaha rajvykankama Siarhiej Fiedčanka padkreśliŭ, što heta znakavaja padzieja — danina pavahi znakamitamu ziemlaku:
— My hanarymsia najvialikšym i samym talenavitym paetam, jaki luboŭ da rodnaha kraju, svajoj Navahrudčyny, pranios praz usio svajo žyćcio.
A konsuł Hienieralnaha konsulstva Respubliki Polšča ŭ Hrodnie Jarasłaŭ Ksionžek pryznaŭsia, što jon adčuvaje biaźmiernuju radaść ad dumki, što źjaviłasia jašče adno miesca dla šanavańnia vialikaha Adama Mickieviča, čyja tvorčaja spadčyna, biassprečna, naležyć ŭsiamu śvietu.
Kamientary