U Kalifornii zabaranili vychodzić z domu biez patreby. A ŭ Ńju-Jorku praz 2-3 tydni skončacca srodki dla baraćby z karanavirusam
Ułady štata Kalifornija zabaranili jaho žycharam pakidać svaje damy bieź nieabchodnaści. Pra heta zajaviŭ u čaćvier hubiernatar Hevin Ńjusam na pres-kanfierencyi, tranślacyju viali na jaho sajcie.
«My ŭvodzim režym, pry jakim ludzi pavinny zastavacca doma. Rasparadžeńnie ŭstupaje ŭ siłu hetym viečaram, — skazaŭ jon. — My ŭpeŭnienyja, što žychary Kalifornii buduć jaho vykonvać». Ńjusam kanstatavaŭ, što na častcy terytoryi štata taki režym raniej užo pačaŭ dziejničać.
Ułady nie zabaraniajuć žycharam štata vychodzić na prahułki, naviedvać kramy abo balnicy. Dastaŭka praduktaŭ i roznych tavaraŭ taksama dazvolena. Ńjusam nie ŭdakładniŭ, jak doŭha budzie dziejničać takoje stanovišča.
Raniej Ńjusam pryvioŭ prahnozy uładaŭ Kalifornii, zhodna ź jakimi prykładna 56% nasielnictva štata na praciahu vaśmi tydniaŭ zaraziacca novym karanavirusam. Pavodle jaho słoŭ, havorka idzie pra 25,5 młn čałaviek.
A voś mer Ńju-Jorka Bił de Błazia zajaviŭ na pres-kanfierencyi, što balnicy miehapolisa na praciahu dvuch abo troch tydniaŭ całkam vyčarpajuć zapasy najbolš važnych srodkaŭ dla abarony ad zaražeńnia novym karanavirusam i dla akazańnia dapamohi infikavanym.
«U Ńju-Jorku praz dva ci try tydni skončacca srodki, jakija nam bolš za ŭsio patrebnyja ŭ balnicach, — skazaŭ jon. — Hetyja srodki mohuć być dastaŭleny ŭ termin tolki šlacham poŭnaj mabilizacyi Uzbrojenych sił ZŠA». «Praz dva ci try tydni nam treba atrymać vielmi značnaje papaŭnieńnie», — dadaŭ de Błazia. Pavodle jaho słoŭ, u inšym vypadku žychary miehapolisa «apynucca ŭ značna bolšaj niebiaśpiecy».
Mer Ńju-Jorka paviedamiŭ, što balnicy horada, u pryvatnaści, majuć patrebu da pačatku krasavika bolš čym u 50 młn achoŭnych masak, 25 młn kamplektaŭ śpiecvopratki dla miedykaŭ, a taksama 15 tys. aparatach štučnaj vientylacyi lohkich. Pa słovach de Błazia, u horadzie pa-raniejšamu nie staje srodkaŭ dla praviadzieńnia testaŭ na zaražeńnie karanavirusam.
Kolkaść vypadkaŭ zaražeńnia karanavirusam u ZŠA pieravyšaje 14 tys., pamierli sama mieniej 200 čałaviek. U štacie Ńju-Jork, na terytoryi jakoha znachodzicca adnajmienny miehapolis, zafiksavanyja bolš za 5,3 tys. vypadkaŭ zaražeńnia i 34 śmiarotnyja vyniki.
-
Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
-
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
-
Bajec rasijskaj PVK vykraŭ vajenkara, jaki pisaŭ pra ich kampaniju, i trymaŭ u zakapanaj trunie
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary