Paŭdniovaja Kareja, Kitaj, Sinhapur i inšyja krainy Azii demanstrujuć pośpiechi ŭ baraćbie z epidemijaj Covid-19. Adnak ciapier jany sutyknulisia z novaj niebiaśpiekaj — virus mohuć zavieźci ź Jeŭropy i ZŠA, piša bbc.com.
Dynamika pašyreńnia virusa mianiajecca. Krainy Jeŭropy stanoviacca ahmieniem pandemii, u toj čas jak Azija ŭžo pieražyła jaje pik. Na hetym fonie ŭžo azijackim krainam, mahčyma, spatrebicca zakryć svaje miežy.
U Kitai, Paŭdniovaj Karei i inšych krainach rehijona raście kolkaść «impartavanych» vypadkaŭ zaražeńnia. Čynoŭniki i ekśpierty kažuć, što miascovyja sistemy achovy zdaroŭja pavinny być da hetaha hatovyja.
U Kitai, dzie jašče niadaŭna byli adznačanyja pieršyja sutki biez novych zaražeńniaŭ, u sieradu abviaścili pra 34 novyja vypadki. Nacyjanalny kamitet achovy zdaroŭja zajaviŭ, što ŭsie zaražanyja niadaŭna pryjechali z-za miažy.
U Sinhapury za sutki zarehistravana 47 novych vypadkaŭ, 33 ź jakich taksama byli zaviezienyja ŭ krainu z-za miažy. 30 zaražanych pry hetym byli žycharami Sinhapura, jakija viarnulisia dadomu.
U Paŭdniovaj Karei ŭ čaćvier taksama byŭ zafiksavany skačok kolkaści zaražeńniaŭ: 152 novyja vypadki. Ci źviazana heta z padarožnikami, jakija viartajucca, nieviadoma.
Jak vynikaje sa statystyki pa zachvorvańniach, uspyška virusa ŭ Azii choć i prajšła pik, ale jašče dalokaja ad skančeńnia.
Najbolš jarkim prykładam tut možna nazvać Paŭdniovuju Kareju.
Dziejańni karejskich ŭładaŭ pa strymlivańni virusa pryznajuć paśpiachovymi. Infiekcyju efiektyŭna adsočvali, pravodziłasia šmat testaŭ, zaražanych chutka izalavali.
Ale ŭ apošnija dni kolkaść zaražanych tam znoŭ pačała raści.
Ministerstva achovy zdaroŭja papiaredžvaje, što rassłablacca pakul rana, i zaklikaje ludziej nie źbiracca vialikimi hrupami, nie chadzić u cerkvy, internet-kafe i ŭ karaokie.
Akramia taho, karanavirusam zarazilisia troje spartsmienaŭ z karejskaj zbornaj pa fiechtavańni, što jeździli na turnir u Bałharyju. Zaraz na virus praviarajuć usiu zbornuju.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?78
Kamientary