Novaja statystyka pra karanavirus ź Jeŭropy ŭnušaje aptymizm — ale košt vymušaje zavyć

Pieršaja dobraja navina. U Italii roŭna pa prahnozie, praz dva tydni paśla ŭviadzieńnia abmiežavalnych mier, pačaŭsia spad zaražeńniaŭ i śmierciaŭ.

Heta značyć, navat karancinnyja miery siaredniaj strohaści (Italija i blizka nie paraŭnoŭvajecca z Kitajem u hetym) dazvalajuć strymać pandemiju.

Druhaja dobraja navina. Ni ŭ adnoj z krain, jakija ŭviali previentyŭnyja miery dla praduchileńnia pandemii, situacyja nie raźvivajecca pa italjanskim scenary.

Čytajcie taksama: Były ministr achovy zdaroŭja Zielankievič pra karanavirus: «Pieramahaje sistema, a nie technałohii. U Italii niama nivodnaj infiekcyjnaj balnicy»

Ministr achovy zdaroŭja Polščy ŭčora navat pryznaŭ, što dynamika raspaŭsiudžańnia karanavirusa ŭ krainie pavolniejšaja, čym jon čakaŭ.

Najhorš situacyja składvajecca ŭ tych krainach, dzie karanavirus pajšoŭ u narod jašče da taho, jak byli ŭviedzienyja abmiežavańni.

Heta Francyja — tam śmiarotnaść praciahvaje raści, učora pamierli 186 čałaviek.

Heta Niderłandy (4747 vypadkaŭ / 213 śmierciaŭ), Brytanija (6650 / 335) i Hrecyja (695 / 17), dzie kolkaść śmierciaŭ nie kareluje z vyjaŭlenaj ličbaj nośbitaŭ, što aznačaje: zašmat nośbitaŭ prosta nie viedajuć, što jany infikavanyja.

U Niderłandach kryzis moža mieć palityčnyja nastupstvy. Kiraŭnictva krainy ŭparta trymałasia stratehii «karancinu nie ŭvodzić», i kraina sutyknułasia ŭ vyniku z bolšaj śmiarotnaściu, čym inšyja.

Čytajcie taksama: 58-hadovaja žančyna z Žytkavičaŭ z karanavirusam u ciažkim stanie. Ni jana, ni jaje asiarodździe nie byli za miažoj

U Ispanii pakul usio kiepska, 2200 śmierciaŭ, a Madryd — polus tryvohi, ź situacyjaj, horšaj, čym u Łambardyi. Dastatkova skazać, što Ladovy pałac u hetym horadzie pieratvarajuć u dadatkovy morh. Ale i tam možna čakać, što praz dva tydni paśla pačatku abmiežavańniaŭ — bieskłapotnaja Ispanija ź imi prosta niedaravalna zapaźniłasia — situacyju ŭdasca stabilizavać.

Heta asabliva važna, tamu što

ŭsie jeŭrapiejskija krainy ŭvodzili takija miery karancinu, jakija hruntujucca, chutčej, na zvarocie da śviadomaści i adkaznaści hramadzian, čym na pakarańniach.

U adroźnieńnie ad Kitaja, śmiarotnaha pakarańnia nie ŭvodzili. U Francyi, Italii, Ispanii palicyja štodzień štrafuje paru dziasiatkaŭ tysiač ludziej za pikniki i t.p., ale nie bolš za toje, psichozu i isteryki niama.

U susiedniaj ź Biełaruśsiu Litvie adznačanyja 179 vypadkaŭ (1 śmierć). U Polščy — 749 i 8. Va Ukrainie — 73 i 3 (mahčymaja niedavyjaŭlenaść). U Rasii — 438 i 1. Ale adnosna Rasii ŭ mnohich byli sumnievy pa praŭdzivaści statystyki.

Čytajcie taksama: Mahiloviec prylacieŭ z Hiermanii i praz 3 dni pamior ad pnieŭmanii. Karanavirusa nie znajšli

Pa miery taho, jak śvietu ŭdajecca ŭtajmavać pažar zarazy, na piaredni płan vychodziać ekanamičnyja ciažkaści. Kitajskija ekśpierty prahnazujuć, što VUP krainy ŭ pieršym kvartale ŭpadzie na 10—11 %. Takoha prosta nikoli ŭ historyi nie było.

Niešta anałahičnaje čakaje i inšyja krainy. Pieršyja straty dziaržavy, asabliva bahatyja, zahasiać sa svaich finansavych reziervaŭ. Ale kali situacyja zaciahniecca na paŭhoda-hod, kali połymia pandemii budzie pierapaŭzać z krainy ŭ krainu, vymušajučy śviet trymać miežy zakrytymi, mohuć pačać valicca banki i vialikija kampanii, pamnažajučy škodu. Ułasna, hetaj situacyi nichto sprahnazavać pakul nie moža.

Krainy Jeŭrasajuza ŭlivajuć vializnyja srodki ŭ pavieličeńnie patencyjału sistem achovy zdaroŭja. Učora Polšča abviaściła pra vydzialeńnie na miedycynu dadatkovych 7,5 miljarda złotych (USD 1,76 młrd).

Navat biadniejšyja krainy nie škadujuć na heta hrošaj. Bałharyja pačynaje vypłačvać daktaram, jakija ŭdzielničajuć u zmahańni z karanavirusam dadatkovyja 1000 levaŭ u miesiac (USD 566). Indaniezija pavialičvaje zarobki ŭsich miedykaŭ u rehijonach, zakranutych Covid-19, na 300—900 USD.

Pandemiija pajšła na poŭdzień.

Začyniajucca Indyja i Tajłand. U Brazilii, niahledziačy na supraciŭleńnie prezidenta krainy, ministr achovy zdaroŭja i hubiernatary dabilisia ŭviadzieńnia karancinnych mier. Paŭdniovaja Afryka pierajšła ŭ režym nadzvyčajnaj situacyi, jak i dziasiatki inšych krain ad Zimbabve da Niepała, jaki zakryŭ miežy navat dla ŭłasnych hramadzian.

Navat u dyscyplinavanym Sinhapury kolkaść infikavanych za dva tydni vyrasła ŭ dva z pałovaj razy.

Horki dośvied Jeŭropy apošnich tydniaŭ pakazaŭ, što žyćci ludziej ŭratavać možna — ale nichto pakul nie viedaje kančatkovy ekanamičny košt hetaha.

• 0
• 0
• 0
• 0
• 0
• 0
• 0
• 0