25 Sakavika ŭ Vilni adbyŭsia šerah mierapryjemstvaŭ z nahody śviatkavańnia Dnia Voli. U adroźnieńnie ad minskich pryhodaŭ, dla biełarusaŭ litoŭskaj stalicy hety dzień prajšoŭ spakojna i trochu zadumliva.
Zranku miascovyja biełarusy sustrelisia na mohiłkach Rosy, kab uskłaści vianki dy kvietki da mahił bratoŭ Łuckievičaŭ (pachavany tam, darečy, tolki Ivan), a taksama litoŭskaha nacyjanalnaha dziejača Jonasa Basanavičusa. Pierad prysutnymi z karotkim histaryčnym ekskursam vystupiŭ Siarhiej Dubaviec.
U Śviata‑Troickaj unijackaj carkvie, što pobač z byłym budynkam biełaruskaj himnazii, było naładžanaje nabaženstva z malitvami pa‑biełarusku za našuju krainu dy sumiesnymi śpievami nieaficyjnaha himnu «Mahutny Boža».
Śviatkavańnie zaviaršyłasia kancertam haściej ź Biełarusi — akademičnaha choru pad kiraŭnictvam Kiryły Nasajeva. Vydatny vystup muzyki skončyli ŭsio tym ža himnam, padčas jakoha ŭsie prysutnyja padnialisia ź miescaŭ. Choć śviata prachodziła biez usialakich pieraškodaŭ ŭ volnaj Litvie, usie vystupoŭcy źviartalisia ŭ pramovach da rodnaj Biełarusi i žadali atrymać volu i joj.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary