Prem`ier‑ministr Litoŭskaj Respubliki Andrus Kubilus «upeŭnieny ŭ tym, što Biełarusi patrebny pieramieny».
Pra heta jon zajaviŭ, vystupajučy 27 sakavika ŭ Vilniusie pierad studentami Jeŭrapiejskaha humanitarnaha univiersiteta.
Pavodle słoŭ Kubilusa, Litva bačyć «pierśpiektyvy pazityŭnaha supracoŭnictva» ź Biełaruśsiu i zaŭsiody vystupała za raźvićcio dyjałohu pamiž Jeŭrasajuzam i respublikaj, «za miesca Biełarusi ŭ Jeŭropie». Adnak pry hetym, padkreśliŭ prem`ier‑ministr, Litva nikoli nie była zhodna z tym, «što dla prahmatyčnych metaŭ mohuć być zabytyja parušeńni pravoŭ čałavieka ŭ Biełarusi».
Kažučy pra ŭdzieł Biełarusi ŭ inicyjatyvie ES «Uschodniaje partniorstva», Kubilus zaznačyŭ, što «hetaja prahrama budzie karysnaja dla respubliki». U pryvatnaści, pavodle jaho słoŭ, u miežach «Uschodniaha partniorstva» płanujecca stvareńnie zony svabodnaha handlu, a taksama libieralizacyja vizavaha režymu pamiž krainami Jeŭrasajuza i dziaržavami — udzielnicami hetaj prahramy.
Razam z tym kiraŭnik litoŭskaha ŭrada padkreśliŭ, što «jość suviaź pamiž udziełam va «Uschodnim partniorstvie» i tym, jak siabie pavodziać ułady krainy‑ŭdzielnicy».
Kubilus źviarnuŭ uvahu na toje, što pakul nie vyrašana pytańnie ab zaprašeńni Biełarusi na samit «Uschodniaha partniorstva» ŭ mai.«Dumaju, što pradstaŭnik Biełarusi budzie ŭdzielničać u samicie, ale pakul nie vyrašana, jakoha ŭzroŭniu budzie hety pradstaŭnik. Ale, dumaju, što budzie znojdziena dobraje rašeńnie», — skazaŭ litoŭski prem`ier.
Andrus Kubilus uznačaliŭ urad Litvy ŭ kancy listapada 2008 hoda. Jon taksama kiruje kansiervatyŭnaj partyjaj «Sajuz Ajčyny — Chryścijanskija demakraty», jakaja razam ź niekalkimi inšymi partyjami sfarmavała kaalicyju pavodle vynikaŭ apošnich parłamienckich vybaraŭ. Kandydaturu Kubilusa na pasadu prem`ier‑ministra padtrymaŭ prezident Litvy Vałdas Adamkus.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary