Bił Hiejts sprahnazavaŭ, kali śviet vierniecca da narmalnaha žyćcia
Admiena abmiežavańniaŭ, uviedzienych na fonie pandemii karanavirusa, nie budzie aznačać viartańnie da narmalnaha žyćcia — jano zdarycca nie raniej, čym praz hod ci navat dva. Takoje mierkavańnie vykazaŭ fiłantrop i adzin z zasnavalnikaŭ amierykanskaj karparacyi Microsoft Bił Hiejts u intervju haziecie Le Figaro, apublikavanym u aŭtorak, piša tass.ru.
«My nie vierniemsia da narmalnaha žyćcia raniej, čym praz hod ci dva. My možam vyjści z hetaha pieršaha etapu, vybudavaŭšy sistemu dziejnaści, jakaja dazvolić vyklučyć ryzyku viartańnia da ekspaniencyjalnaj fazy prahresavańnia [epidemii]», — rastłumačyŭ Hiejts.
«Z dapamohaj sistemy testavańnia i adsočvańnia my možam chutka vyznačyć vobłaści zaražeńnia i kantralavać ich. Ale my nie vierniemsia da zusim narmalnaj dziejnaści, tamu što ludzi buduć vielmi zaniepakojenyja mahčymaściu zaražeńnia i rezka źmieniać svaje pavodziny, — papiaredziŭ jon. — Navat rašeńni ŭładaŭ nie viernuć ich na stadyjony da taho času, pakul nie budzie dakazana, što lačeńnie abo vakcynacyja mohuć praduchilić śmiarotny zychod».
Pa słovach pradprymalnika, praca nad mietadami lačeńnia vielmi važnaja, i jana pavinna praciahvacca, adnak mienavita raspracoŭka vakcyn pavinna stać hałoŭnym krokam na šlachu viartańnia da narmalnaha žyćcia.
Hiejts vykazaŭ nadzieju na toje, što ZŠA ŭsio ž dałučacca da hłabalnaj inicyjatyvy pad ehidaj Suśvietnaj arhanizacyi achovy zdaroŭja (SAAZ), skiravanaj na paskareńnie raspracoŭki technałohij pa dyjahnostycy i lačeńni chvaroby, vyklikanaj karanavirusam. Jon vykazaŭ ździŭleńnie ŭ suviazi z rašeńniem Vašynhtona spynić unioski ŭ biudžet arhanizacyi ŭ razhar pandemii i vykazaŭ pierakanańnie, što SAAZ nie mahła skazić źviestki na karyść adnoj dziaržavy.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ16
Kamientary