U sakaviku nastupnaha hodu spoŭnicca 170 hadoŭ z dnia narodzinaŭ Franciška Bahuševiča. Jak viadomoma, jon naradziŭsia ŭ falvarku Śvirany, ciapier heta terytoryja Litoŭskaj Respubliki. Što robiać vilenskija biełarusy dla ŭšanavańnia pamiaci paeta?
Uviesnu 2002 hodu hanarovaja šylda była ŭstalavanaja ŭ rodnych dla Bahuševiča Śviranach. Biełaja marmurovaja doška z bareljefam i nadpisam biełaruskaj łacinkaj upryhožyła chatu, što staić na miescy falvarku Bahuševičaŭ. Choć nieŭzabavie nieviadomyja źniali tuju šyldu Bahuševiča, ale dziakujučy litoŭskaj palicyi jaje znajšli i ŭmacavali nanoŭ.
U susiednich Savičunach dziakujučy Zhurtavańniu biełaruskich arhanizacyjaŭ u Litvie i biełaruskamu pasolstvu, na budynku viaskovaj biblijateki źjaviłasia doška ŭ honar paeta na troch movach — litoŭskaj, biełaruskaj i polskaj. Sama vulica, dzie staić budynak biblijateki, nazvanaja imiem Bahuševiča. U biblijatecy jość kutok biełaruskaj knihi, jaki taksama nosić imia aŭtara «Dudki biełaruskaj».
Staršynia TBM pa Vilenskim krai Jury Hil, sustrakajučy peŭnyja pieraškody z boku miascovych uładaŭ i inšych nacyjanalnych mienšyniaŭ Litvy, zmahajecca za nadańnie škole hanarovaha imia Franciška Bahuševiča.
Jość papiaredniaja damova ź litoŭskimi ŭładami na Konnaj vulicy Vilni, dzie kaliści žyŭ F.Bahuševič, ustalavać pamiatnuju šyldu. Viaducca pieramovy ź Ministerstvam kultury Respubliki Biełaruś. Aficyjny biełaruski bok pahadziŭsia na častkovaje finansavańnie prajektu. Taksama robiacca zachady ŭstalavać adpaviednuju došku i ŭ vioscy Rukojni, dzie paeta chryścili.
Rychtujuć da vydańnia knižku «Francišak Bahuševič i Vilnia».
U dadatak biełaruskija aktyvisty prapanujuć abvieścić hod 2010 hod na Vilenščynie hodam Franciška Bahuševiča.
Kamientary