Stolki apazicyjnych lideraŭ razam, jak na zdymkach adnaho z tok‑šou «Biełsatu» ŭ Vilni, ubačyš chiba na kanhresie demakratyčnych siłaŭ. Karespandent NN paŭdzielničaŭ u zapisie «Foruma» ŭ Vilni.
Stolki apazicyjnych lideraŭ razam, jak na zdymkach adnaho z tok‑šou «Biełsatu» ŭ Vilni, ubačyš chiba na kanhresie demakratyčnych siłaŭ. Karespandent NN paŭdzielničaŭ u zapisie «Forumu» ŭ Vilni.
Kala ŭvachodu ŭ zalu, dzie bavili čas pierad zapisam udzielniki čarhovaha vypusku tok‑šou «Forum», niekalki supracoŭnikaŭ litoŭskaha telebačańnia emacyjna abmiarkoŭvali skład biełaruskaha palityčnaha desantu, jaki pryjechaŭ u Vilniu na zapis pieradačy: «Milinkiavičus, Šuškiavičus, Labiedźka…». Lider AHP moh i nie paśpieć na zapis, ale taki patrapiŭ.
Zrešty, padzivicca było čamu nie tolki litoŭskamu žurnalistu, bo stolki apazicyjnych lideraŭ razam ubačyš chiba na jakim Kanhresie demakratyčnych siłaŭ.
Paŭdzielničać u zapisie pryjechali taksama rehijanalnyja palityki, pryjšli i studenty EHU. I choć apošnich nie ździviš zapisami na «Biełsacie», kolkaść apazicyjanieraŭ u adnym pamiaškańni bolšaść ź ich uraziła: «Oho, kolki paźjazdžałasia!»
Tema pieradačy abiacała nie aby jakija žarści, bo abmiarkoŭvać musili dyjałoh Jeŭropy z Łukašenkam.Svaje pazicyi pa pytańni zaprašeńnia Biełarusi ŭ prahramu Jeŭrasajuzu «Uschodniaje partniorstva» z adnaho boku musili pradstavić Siarhiej Kalakin, Stanisłaŭ Šuškievič, Vincuk Viačorka, Andrej Sańnikaŭ dy Anatol Labiedźka, z druhoha boku — Alaksandr Milinkievič, Pavieł Sieviaryniec dy Ludmiła Hraznova.
«A dzie ž šklanka z vadoj? Čym ablivacca budziecie?!» — spytaŭ žartam u palitykaŭ chtości z masoŭki.
Lider apazicyjnych kamunistaŭ Siarhiej Kalakin adkazaŭ jamu z uśmieškaj, što «durnaja sprava — niachitraja, a my ŭsio ž jeŭrapiejskija palityki». Kalakin u toj viečar apynuŭsia pad pilnaj uvahaj: spačatku režysior prahramy paprasiŭ hladzieć pierad saboj, paspačuvaŭšy pry hetym: «Ja razumieju, što vam nie vielmi pryjemna hladzieć u toj bok» (akurat nasuprać siadzieli Milinkievič i Sieviaryniec), potym da kamunista ź pieršaha šerahu hledačoŭ kinułasia žančyna (jak vyśvietliłasia paźniej — nie zusim ćviarozaja). Voś tolki nieviadoma, ci patrapiać tyja momanty ŭ vynikovuju viersiju tok‑šou.
A toje, što patrapić, možna budzie pahladziećtelekanale «Biełsat» 12 krasavika ŭ niadzielu ŭ 21:25.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary