Dzieviacikłaśnica, što vypała z akna, chutka pačnie davać pakazańni
Baćka Anaryny Ramancevič dapuskaje, što śviedkaŭ zdareńnia mohuć prykryvać upłyvovyja svajaki.
U čaćvier Anarynu Ramancevič z reanimacyi pieraviali ŭ asobnuju pałatu dziciačaj chirurhii, pryznačyli lačebnuju fizkulturu i masaž. U 14-hadovaj dziaŭčyny ciažkija traŭmy čerapa i chrybta. Ź joj pa čarzie znachodziacca maci i baćka. Da Anaryny ŭžo prychodzili śledčy i prakuror. Adnak pakazańniaŭ jana nie dała, bo jašče nie da kanca pryjšła ŭ prytomaść.
Abstaviny zdareńnia ŭ horadzie Lida vielmi ćmianyja. 31 sakavika Anaryna Ramancevič vypała z akna kvatery na piatym paviersie, dzie sa svaimi siabrami śviatkavała pačatak školnych kanikuł. Baćki dziaŭčyny adrazu padali zajavu ŭ milicyju. Jany nie vierać, što ich dačka zachacieła skončyć žyćcio samahubstvam.
2 krasavika rajonnaja prakuratura pačała rasśledavać heta zdareńnie. Pavodle kp.by, raspracoŭvajucca try viersii: z akna Anaryna vyskačyła sama, jaje vykinuli naŭmysna albo padletki svavolničali i nie zmahli ŭtrymać svaju siabroŭku. Pra chod daznańnia śledčyja nie paviedamlajuć. Kryminalnaja sprava nie ŭzbudžana.
Baćku dziaŭčyny Jazepu Ramanceviču ŭdałosia daviedacca pra kolkaść prysutnych na toj złaščasnaj viečarynie. Razam z Anarynaj tam byli 2 chłopčyki i 4 dziaŭčynki. Sp. Ramancevič dapuskaje, što niekatorych padletkaŭ mohuć prykryvać upłyvovyja svajaki. Maci adnaho z chłopcaŭ pracuje ŭ harvykankamie.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary