U Rasii zatrymali hubiernatara pa padazreńni ŭ arhanizacyi zabojstvaŭ
Hubiernatara Chabaraŭskaha kraju Siarhieja Furhała zatrymali 9 lipienia pa padazreńni ŭ arhanizacyi zabojstva i arhanizacyi zamachu na zabojstva. SK RF raspačaŭ suprać jaho kryminalnuju spravu, piša tass.ru.
SK opublikovał vidieo zadieržanija hubiernatora Furhała pic.twitter.com/sG8AAEfQ3j
Pavodle śledčych, Furhał zatrymany ŭ suviazi z rasśledavańniem šmatepizodnaj spravy ŭ dačynieńni da arhanizavanaj złačynnaj hrupoŭki, datyčnaj da šerahu asabliva ciažkich złačynstvaŭ suprać biznesoŭcaŭ u 2004-2005 hadach u Chabaraŭskim krai i Amurskaj vobłaści.
Krynica ŭ pravaachoŭnych orhanach paviedamiła, što kiraŭnik Chabaraŭskaha kraju padazrajecca jak minimum u dvuch epizodach arhanizacyi zabojstvaŭ i adnaho zamachu na zabojstva.
Furhał byŭ zatrymany siłavikami la svajho doma, jon nie paśpieŭ pryznačyć časovaha vykanaŭcu abaviazkaŭ.
Rehijanalnaje adździaleńnie ŁDPR — partyi, da jakoj naležyć Furhał — nie budzie vyklučać jaho. Kali jaho adchilać ad pasady, vybary hubiernatara projduć vosieńniu 2021 hoda.
Hubiernatara Chabaraŭskaha kraju dastaviać u Maskvu.
U bližejšy čas Furhału budzie vystaŭlena abvinavačvańnie. Akramia taho, śledstva maje namier źviarnucca ŭ sud dla abrańnia ŭ dačynieńni da jaho miery strymańnia ŭ vyhladzie ŭtrymańnia pad vartaj.
-
Biełaruski bienzin bje pa kašalkach maskvičoŭ: AZS Rasii vymušany kuplać darahoje paliva ź Biełarusi
-
Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
-
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Kamientary