Chłopca, jaki zalapiŭ stykierami videakamiery na Akreścina, asudzili da 1,5 hoda kałonii
Sud Frunzienskaha rajona Minska 17 lutaha vynies prysud pa kryminalnaj spravie pa č. 1 art. 342 Kryminalnaha kodeksa suprać 21-hadovaha palitviaźnia Ihara Pražeńnikava. Jaho abvinavacili ŭ tym, što jon 4 kastryčnika na «Maršy vyzvaleńnia palitviaźniaŭ» błakavaŭ ruch sčepkami, zalaplaŭ nalepkami kamiery videanazirańnia kala CIP i IČU HUUS Minharvykankama, čym prypyniŭ pracu hetych ŭstanoŭ, błakavaŭ ruch śpiectranspartu na Akreścina. Jaho abvinavacili ŭ prypynieńni ruchu ŭ Minsku 4 kastryčnika kala 50 transpartnych srodkaŭ. Sudździa Julija Čyž pakarała Ihara 1,5 hadami kałonii ahulnaha režymu, paviedamlajuć pravaabaroncy.
Vinu Ihar pryznaŭ u poŭnym abjomie.
Ihar Pražeńnikaŭ skazaŭ u svaim apošnim słovie:
«Kali skažu, što ja paddaŭsia natoŭpu — nie sahrašu. Heta byŭ junacki maksimalizm. Ja nie apazicyjanier, nie revalucyjanier, ja nie niasu idei ŭ masy.
Za kratami pryjšło asensavańnie, što ja patrebny tolki svajoj siamji, maci. Vinu całkam pryznaju, škaduju pra toje, što zrabiŭ».
Dziaržaŭnaja abvinavaŭca Kryścina Asran paličyła, što vina Ihara całkam dakazanaja, i prasiła sud pakarać jaho 1 hodam 6 miesiacami pazbaŭleńnia voli ŭ kałonii ahulnaha režymu. Mienavita takoje pakarańnie i pryznačyła sudździa Julija Čyž.
Čytajcie taksama:
Prakuror patrabuje paŭtara hoda źniavoleńnia chłopcu, jaki zakleiŭ vočka videakamery na Akreścina
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary