Elektramabili vyzvalili ad transpartnaha padatku da kanca 2025 hoda.
Pra heta paviedamiŭ načalnik hałoŭnaha ŭpraŭleńnia padatkaabkładańnia fizičnych asob MPZ Andrej Kavaleŭski, piša BIEŁTA.
Nie buduć vypłačvać transpartny padatak uładalniki transpartnych srodkaŭ katehoryi M1, M1G (lehkavyja elektramabili i lehkavyja elektramabili pavyšanaj prachodnaści), jakija pryvodziacca ŭ ruch vyklučna elektraruchavikom. Takaja lhota pradastaŭlena da 31 śniežnia 2025 hoda», — skazaŭ Andrej Kavaleŭski.
U Biełarusi sprabujuć stymulavać popyt na elektrakary. Hod tamu Alaksandr Łukašenka padpisaŭ ukaz «Ab stymulavańni vykarystańnia elektramabilaŭ». Ułaśnikaŭ elektramabilaŭ vyzvalili ad vypłaty darožnaha zboru i PDV pry kupli elektrakara dla asabistaha karystańnia, a taksama ad mytnaj pošliny, nahadvaje dev.by.
Pavodle infarmacyi pieršaha apieratara marki Tesla ŭ Biełarusi tesla-cars.by, za minuły hod kampanija pradała 30 novych aŭtamabilaŭ. Heta ŭ 1,5 razu bolš, čym u 2019 hodzie. Usiaho biełarusy patracili na novyja Tesla ŭ minułym hodzie kala 2,5 miljonaŭ dalaraŭ.
U svaju čarhu zavod «BiełDžy» płanavaŭ sioleta vypuścić pieršuju partyju elektramabilaŭ.
Ahulnaja kolkaść zarehistravanych elektramabilaŭ u Biełarusi pieravyšaje 2,5 tysiačy.
Kamientary