Na spravazdačna‑vybarnuju kanfierencyju Hrodzienskaha haradskoha adździeła praŭładnaha Sajuza palakaŭ u Biełarusi, jakaja adbyłasia 17 červienia ŭ Hrodzienskim haradskim domie kultury, byli dapuščanyja nie bolš jak 10 čałaviek,
paviedamiŭ BiełaPAN pres‑sakratar niefarmalnaha SPB Ihar Bancar.
Pavodle jaho słoŭ, kanfierencyja była arhanizavanaja čynoŭnikami napiaredadni zapłanavanaha na vierasień ź`iezda SPB pad staršynstvam Juzefa Łučnika.
Jak zaznačyŭ Bancar, niahledziačy na toje što terytoryja vakoł budynka akazałasia zabłakiravana supracoŭnikami pravaachoŭnych struktur, da Doma kultury zmahli prajści bolš jak 100 členaŭ SPB, jaki ŭznačalvaje Anžalika Borys. «Adnak nas nie puścili na kanfierencyju, jakaja adbyłasia pry začynienych dźviarach pad achovaj supracoŭnikaŭ milicyi», — paviedamiŭ jon.
Razam z tym, pavodle słoŭ Ihara Bancara,
99% členaŭ SPB u Hrodnie padtrymlivajuć Anžaliku Borys i majuć poŭnaje prava brać udzieł u mierapryjemstvach abiedźviuch arhanizacyj nacyjanalna‑kulturnaha ab`iadnańnia, pakolki ich nichto adtul nie vyklučaŭ.
Uličvajučy takoje stanovišča, ułady vyrašyli pravieści kanfierencyju aficyjnaha SPB tajna i nie dali pra heta nijakaj infarmacyi ŭ haziecie «Hłos z‑nad Niemna», padkreśliŭ pres‑sakratar. Pavodle jaho słoŭ, arhanizacyja kanfierencyi śviedčyć pra namier uładaŭ praciahvać palityku niepryznańnia niefarmalnaha SPB na čale z Anžalikaj Borys.
Ciapier čytajuć
Siarhiej Cichanoŭski pierabraŭsia žyć u Łos-Andželes42
Kamientary