20 červienia ŭ minskim pałacy kultury MTZ projdzie Kanhres jeŭrapiejskaha vybaru, inicyjavany Mikołam Statkievičam.
20 červienia ŭ minskim pałacy kultury MTZ projdzie Kanhres jeŭrapiejskaha vybaru, inicyjavany Mikołam Statkievičam.
Pavodle Mikałaja Statkieviča, u mierapryjemstvie voźmuć udzieł da 800 čałaviek. Mierapryjemstva padtrymali asobnyja siabry «Jeŭrapiejskaj kaalicyi», a taksama kiraŭnictva Partyi BNF. Delehataŭ na jaho nichto nie vybiraŭ, miarkujecca, što imi stanuć usie achvotnyja.
Napačatku delehaty prymuć stratehiju jeŭrapiejskich sił, paśla čaho budzie sfarmiravany śpis pretendentaŭ na miesca adzinaha kandydata. Taksama
budzie abranaja rada jeŭrapiejskaja vybaru, jakaja praź niejki čas vyznačyć praceduru abrańnia adzinaha kandydata.
Na siońniašni momant dakładna viadoma tolki, što svaju kandydaturu na adzinaha źbirajecca vyłučać były palitviazień Siarhiej Skrabiec.
Pierad Kanhresam u toj samaj zali projdzie zbor aktyvu Partyi BNF.Jaho zahadaŭ sklikać staršynia partyi Lavon Barščeŭski. Schod maje razhledzić dva hałoŭnyja pytańni: 1) Ab udziele Partyi BNF u nastupnaj prezidenckaj kampanii i ŭzajemadačynieńniach ź inšymi palityčnymi subjektami; 2) Ab papiarednim vyznačeńni kandydata ad BNF u nastupnyja prezidenckija vybary.
Viadoma, što bolšaść rehijanalnych lideraŭ Partyi BNF vyrašyła bajkatavać dadzienaje mierapryjemstva.
Kanhres pačnie pracu a 15:00. Rehistracyja budzie pravodzicca na hadzinu raniej. Forum stanie sprobaj siły palityčnych hrupaŭ, što stajać za kandydaturaj Mikałaja Statkieviča na prezidenty.
Kamientary