Piaskoŭ: Kreml kateharyčna nie zhodny z rašeńniem Minska abmiežavać dostup da sajta kp.by
Pra heta zajaviŭ u piatnicu žurnalistam pres-sakratar prezidenta Rasii Dźmitryj Piaskoŭ.
«My kateharyčna nie zhodnyja z hetym. My ličym, što, biezumoŭna, heta idzie ŭ parušeńnie pryncypu svabody ŚMI», — skazaŭ pradstaŭnik Kramla.
«Viadoma, my b čakali ad biełaruskaha boku zabieśpiačeńnia ŭmoŭ dla pracy našych ŚMI na terytoryi Biełarusi», — padkreśliŭ Piaskoŭ.
Dostup da sajta kp.by byŭ abmiežavany ranicaj 29 vieraśnia. Napiaredadni viečaram na sajcie vydańnia vyjšaŭ artykuł z kamientarom adnakłaśnicy prahramista Andreja Zielcera, jaki ŭ pierastrełcy ŭ kvatery na vulicy Jakuboŭskaha zastreliŭ aficera KDB Dźmitryja Fiedasiuka i byŭ zabity. Toj artykuł adrazu vyklikaŭ chvalu abureńnia i abraz u praŭładnych telehram-kanałach.
Mininfarmacyi potym patłumačyła, što dostup da sajta byŭ abmiežavany, bo na im była źmieščana publikacyja, u jakoj «utrymlivalisia źviestki, jakija sadziejničajuć farmiravańniu krynic pahroz nacyjanalnaj biaśpiecy, što zaklučajucca ŭ štučnym nahniatańni napružanaści i supraćstajańnia ŭ hramadstvie pamiž hramadstvam i dziaržavaj».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary