Supracoŭniki MNS na rukach vynosili dziaŭčataŭ z zatoplenaj maršrutki.
Usio pačynałasia jak biaskryŭdnaja navalnica, a vyliłasia ŭ sapraŭdny patop. Za ličanyja chviliny Niamiha pieratvaryłasia z vulicy ŭ raku. Usia pavodka, ad pačatku da kulminacyi – na našym videa:
Na chodnikach vada stajała pa kalena, a na prajeznaj častcy – dzie pa pojas, dzie pa hrudzi, a dzie i pa šyju. Na placoŭcy kala handlovaha domu «Niamiha» sabraŭsia vialiki natoŭp cikaŭnych dy fotažurnalistaŭ – jany čakali paŭtareńnia učorašniaj pavodki. Pryroda ich čakańniaŭ nie padmanuła.
Nieŭzabavie pa zalitaj vadoj Niamizie mahli prajechać tolki hruzavyja «MAZy», ad jakich uva ŭsie baki razychodzilisia mahutnyja chvali, zalivajučy ŭsio navokał.Kałamutnaja płyń vady na prajeznaj častcy była chutkaj, niby ŭ hornaj race – časam było składana ŭtrymlivacca na nahach. Asabliva davalisia ŭ znaki schavanyja pad vadoj prystupki dy jaminy – paśliznucca dy ŭpaści było vielmi lohka.
U niejki momant stvaryłasia sapraŭdy niebiaśpiečnaja situacyja – vialikaja maršrutka zachrasła pasiaredzinie vulicy.Čatyry supracoŭniki MNS pačali vynosić ludziej na rukach, dastajučy ich praz vokny. Cikavaja detal: na adnym z vyrataŭnikoŭ była cišotka z nadpisam «MČS Rośsii».
Krychu dalej, kala Pietrapaŭłaŭskaha sabora, spynilisia dva tralejbusy. Ich pasažyraŭ evakujavali na admysłovych płytach.
Nie zusim zrazumieła, čamu ruch na Niamizie spynili hetak pozna, choć praduhledzieć, čym skončycca navalnica, było nieskładana. Taksama vyklikajuć ździŭleńnie kiroŭcy, jakija na złom hałavy sprabavali prajechać pa vulicy, a ŭ vyniku ŭ samym litaralnym sensie siadali ŭ łužynu, nie škadujučy svaich pasažyraŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary