Ministr enierhietyki raskazaŭ, kolki elektraenierhii vypracavała BiełAES
Pieršy enierhabłok BiełAES z momantu ŭklučeńnia ŭ abjadnanuju enierhasistemu ŭ listapadzie 2020 hoda vypracavaŭ 4,6 młrd kVt·č elektraenierhii.
Pra heta paviedamiŭ ministr enierhietyki Viktar Karankievič ŭ efiry «Biełaruś 1».
«Ahulny abjom vytvorčaści elektryčnaj enierhii skłaŭ 4,6 młrd kVt·h. heta dazvoliła zamiaścić kala 1,3 młrd kub. m pryrodnaha hazu. Štodnia na atamnaj elektrastancyi vyrablajecca 28 młn kVt·h elektraenierhii — heta prykładna 25% ad ahulnaha abjomu vytvorčaści elektryčnaj enierhii ŭ krainie, — raspavioŭ Viktar Karankievič. — Z ulikam uvodu ŭ ekspłuatacyju druhoha enierhabłoka, abo stancyi ŭ cełym, ahulny abjom vytvorčaści elektryčnaj enierhii składzie kala 18,5 młrd kVt·h u hod z terminam ekspłuatacyi 60 hadoŭ z mahčymaściu jaho padaŭžeńnia da 100 hadoŭ z ulikam isnujučaj praktyki padaŭžeńnia pracy reaktarnych ustanovak».
Ministr nahadaŭ, što druhi enierhabłok budzie ŭviedzieny ŭ pramysłovuju ekspłuatacyju ŭ 2022 hodzie. «Da kanca hetaha hoda płanujecca pierajści da etapu tak zvanaha fizičnaha pusku-heta zahruzka śviežaha jadziernaha paliva ŭ aktyŭnuju zonu reaktara na druhim enierhabłoku», — adznačyŭ jon.
Ciapier čytajuć
Siarhiej Cichanoŭski pierabraŭsia žyć u Łos-Andželes29
Kamientary