A 18.00 u subotu skončyŭsia pryjom dakumientaŭ u VNU na biaspłatnaje navučańnie.
A 18.00 u subotu skončyŭsia pryjom dakumientaŭ u VNU na biaspłatnaje navučańnie.
Ad ranicy 25 lipienia ŭ VNU panavała sumiatnia. Dziesiatki abituryjentaŭ chvalujucca i łamajuć hałavu: jak by pastupić, pažadana na śpiecyjalnaść, pra jakuju maryŭ.
Abituryjenty dziesiać razoŭ pieraličvali svaje bały i bały kankurentaŭ, kab adhadać šancy na pastupleńnie. Niekatoryja ŭ apošnija chviliny sprabavali pieranieści dakumienty na inšuju śpiecyjalnaść ci fakultet.
Kožny sprabuje praličyć svaje šancy: dla hetaha treba pahladzieć kolkaść čałaviek, jakich zapłanavana zaličyć na dadzienuju śpiecyjalnaść, i adniać tych, u kaho bolš čym u ciabie bałaŭ. Vynik hetych padlikaŭ i jość šancam na pastupleńnie.
Adnak pradkazać zahadzia, ci pastupiŭ abituryjent, moža tolki varažbitka. Pavodle praviłaŭ pastupleńnia hetaha hodu da apošniaha momantu pracy pryjomnaj kamisii dakumienty na pastupleńnie možna zabrać i pieranieści na inšuju śpiecyjalnaść. I tamu ŭ apošnija hadziny pracy pryjomnych kamisij zapanavaŭ sapraŭdny chaos. Chtości pabačyŭ, što nie prachodzić pa konkursie, i terminova pierakidvaŭ dakumienty na mienš papularnuju śpiecyjalnaść. Chtości tolki što pieranios dakumanty i ŭžo niervova pieraličvaŭ novyja šansy na atrymańnie vyšejšaj adukacyi.
Karespandentka «NN» za paŭtary hadziny da zakryćcia pryjomnaj kamisii BDU siarod natoŭpu raschvalavanych abituryjentaŭ i ich baćkoŭ vyłaviŭ dziaŭčynu Hańku, jakaja pieranosiła dakumanty z adnoj śpiecyjalnaści na inšuju:
«NN»: Na jakuju śpiecyjalnaść ty pastupaješ?
Hańka: Ja padavała dakumienty na kitajskuju fiłałohiju, ale pa konkursie tudy nie prachodžu. Tamu ja zabrała dakumanty i ciapier niasu ich na italjanskuju. Tam mienšy konkurs.
«NN»: Tabie nie pryncypova, jakuju movu ty budzieš vučyć?
Hańka: Samaje važnaje, kab pastupić na biudžet. A jakuju movu , mnie ŭsio roŭna, bo i tuju i druhuju budu vučyć z nula.
«NN»: Ty dobra sabie ŭjaŭlaješ, kim ty budzieš paśla skančeńnia ŭniviersitetu i jakoj budzie tvaja prafiesija?
Hańka: Nie vielmi. Važna pastupić, pra astatniaje potym padumaju.
Samyja apošnija vyniki daviedacca možna tolki ŭ niadzielu ranicaj. Viečar suboty abituryjenty praviaduć u chvalavańniach. A supracoŭniki ŭniviersitetaŭ — u zapaŭnieńni dakumientaŭ i apracoŭcy źviestak. Kab kožny dobry vučań byŭ zaličany i atrymaŭ vyšejšuju adukacyju.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary