Abviaścili prysudy 11-j hrupie «karahodnaj» spravy ŭ Breście — usiaho asudžana 114 čałaviek
17 śniežnia ŭ Maskoŭskim sudzie Bresta sudździa Taćciana Łaŭraniuk abviaściła prysudy 12 abvinavačanym.
— Uładzimir Harbaviec — 2 hady «chimii» (abmiežavańnie voli z nakiravańniem u papraŭčuju ŭstanovu)
— Kaciaryna Špak — 3 hady «chatniaj chimii»;
— Alaksandr Badaviec i palitviazień Viktar Kucharčuk — 2.5 hoda «chatniaj chimii» (apošniamu zaličyć termin znachodžańnia pad vartaj z 18 kastryčnika);
— pa 2 hady «chatniaj chimii» ŭsim astatnim (Pavieł Chamičuk, Kirył Daraščuk, Barys Hałanin, Volha Fiedarenka, Anastasija Žukaviec, Dźmitryj Kapyłoŭ, Ihar Hrabinski, Maryna Ušyŭkova).
Mienavita takija terminy i prasiŭ prakuror Jahor Kronda.
Takim čynam, na hety momant u ramkach tak zvanaj «karahodnaj» spravy (padziei 13 vieraśnia 2020 hoda, kali padčas pratestnaha maršu ŭtvaryŭsia karahod) užo asudžanyja 114 čałaviek. Nahadajem, što ich usich pryznajuć vinavatymi ŭ «hrubym parušeńni hramadskaha paradku» (č. 1 art.342 KK), dajučy pieravažna «chimiju» ci «chatniaju chimiju»
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ8
Kamientary