U Kamierunie znajšli novaje dreva i nazvali jaho ŭ honar Leanarda Dzi Kaprya
Heta maleńkaje viečnazialonaje dreŭca z žoŭtymi kvietkami, jakija rastuć ź jahonaha stvała. Vyjavili jaho ŭ trapičnym lesie, jakomu pahražała źniščeńnie i jaki razam ź inšymi ratavaŭ viadomy halivudski aktor, piša Bi-bi-si.
Niadaŭna brytanskija daśledčyki z Karaleŭskich bataničnych sadoŭ u Kju vyjavili na nievialikim učastku trapičnaha lesu Ebo na paŭdniovym zachadzie afrykanskaj krainy Kamierun maleńkaje trapičnaje viečnazialonaje dreva, raniej nieviadomaje navucy. Prosta sa stvała hetaha dreŭca rastuć žoŭtyja kvietki.
Drevu, jakoje naležyć da siamiejstva Anonavych paradku Mahnolijakvietnych, dali aficyjnuju nazvu Uvariopsis dicaprio. Zrabili heta ŭ honar amierykanskaha aktora Leanarda Dzi Kaprya, kab addać jamu naležnaje za jahonyja namahańni pa zachavańni dzikaj pryrody Afryki. Dziakujučy ŭ tym liku i ŭmiašańniu Dzi Kaprya ŭnikalny trapičny les Ebo niadaŭna ŭratavali ad vysiakańnia.
Les Ebo — adzin z najbujniejšych trapičnych lasoŭ na płaniecie, i jon adnosna dobra zachavaŭsia. U im žyvuć unikalnyja pradstaŭniki fłory i fauny, mnohija ź jakich znachodziacca pad pahrozaj źniknieńnia. Siarod inšych tut možna sustreć harył, šympanze i lasnych słanoŭ.
Letaś ułady Kamieruna płanavali dazvolić vysiakańnie lesu Ebo na niekatorych učastkach. Navukoŭcy z mnohich krain źviartalisia da miascovaha ŭrada, kab jon admoviŭsia ad hetych płanaŭ. Kali pra heta daviedaŭsia Dzi Kaprya, to jon raspačaŭ šyrokuju infarmacyjnuju kampaniju praz svoj Tvitar.
Dziakujučy vialikamu hramadskamu rezanansu ŭłady afrykanskaj krainy skarektavali svaje płany i adklikali vydadzienuju raniej licenziju. Praŭda, statusu zapaviednaj terytoryi les Ebo pakul što tak i nie atrymaŭ.
U Indyi naradziłasia kaźlania z čałaviečym tvaram
U Aŭstralii albom sa śpievami ptušak abyšoŭ relizy ABBA i Džaścina Bibiera AŬDYJA
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać18
Kamientary