Supracoŭnika radyjostancyi «Homiel» Kruhlaka ŭ subotu asudzili da hoda kałonii
Sud Centralnaha rajona Homiela pryhavaryŭ viadučaha radyjostancyi «Homiel» Alaksieja Kruhlaka (Kavieryna) da 1 hoda kałonii pa abvinavačvańni ŭ hrubym parušeńni paradku (artykuł 342 KK) za paviedamleńni ab pratestach u zakrytym čacie, paviedamlaje pravaabarončy centr «Viasna»
Alaksieja Kruhlaka zatrymali 2 śniežnia 2021 hoda i da suda ŭtrymlivali ŭ SIZA №3 Homiela.
Pavodle abvinavačańnia, Alaksiej, znachodziačysia na pracoŭnym miescy na Homielskim telebačańni, sa svajho telefona ŭ prafiesijnym zakrytym čacie 12 žniŭnia 2020 hoda napisaŭ niekalki paviedamleńniaŭ, jakija tyčacca palityčnaj situacyi ŭ krainie paśla vybaraŭ. Jon ubačyŭ, jaki hvałt i ahresija byli ŭ Minsku i inšych haradach krainy nad mirnymi žycharami, jakija vykazvali svajo staŭleńnie da vybaraŭ.
Na emocyjach Alaksiej prapanavaŭ vychodzić na vulicy ŭ Homieli, ładzić maršy, stanavicca ŭ łancuhi. Sam hatovy byŭ udzielničać u lubych aktyŭnych dziejańniach, navat nadzieć biełuju vopratku i dałučycca da žančyn z kvietkami, kali budzie nieabchodna, to i ŭ sukienku.
Hetyja paviedamleńni rascanili jak zakliki da niesankcyjanavanych mitynhaŭ i dziejańniaŭ, jakija hruba parušajuć hramadski paradak, a jaho paličyli arhanizataram hetych dziejańniaŭ.
Kryminalnuju spravu zaviali tolki praz hod, vosieńniu 2021-ha, kali chtości z hetaha zakrytaha čata źliŭ infarmacyju ŭ praŭładny čat «Žoŭtyja źlivy».
Alaksiej da taho času pra hetyja paviedamleńni zabyŭsia. Paśla apublikavańnia jon zapisaŭ i vykłaŭ u internet «pakajannaje» videa, dzie ad usiaho adchryščvaŭsia ŭ nadziei, što jaho nie zatrymajuć.
Na pačatku śledstva Kruhlak svaju vinu pryznavaŭ častkova: pryznavaŭ, što pisaŭ jon, ale nikudy, nikoha nie zaklikaŭ, a «prosta chacieŭ vyjści prahulacca ŭ kampanii i pahladzieć abstanoŭku ŭ horadzie».
A na sudovym pracesie Kruhlak całkam pryznaŭ vinu.
U svaim apošnim słovie Alaksiej, paviedamlaje «Viasna», «dobra pastaŭlenym dyktarskim hołasam ahučyŭ, što zhodny na ŭsio, navat stać «ruparam prapahandy», pracavać nie pakładajučy ruk na karyść krainy i režymu, aby nie adpraŭlali ŭ kałoniju, a adpuścili dadomu da siamji».
Sudździa Viktar Kazačok pryznačyŭ Kruhlaku pakarańnie ŭ vyhladzie pazbaŭleńnia voli terminam na adzin hod u kałonii ahulnaha režymu, za vyniatkam času praviedzienaha pad śledstvam u SIZA.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY16
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary