Vałavy ŭnutrany pradukt Biełarusi ŭ studzieni-mai jašče bolš paskoryŭ padzieńnie. Heta vynikaje z infarmacyi Biełstata.
Padzieńnie skłała 3,4% da anałahičnaha pieryjadu minułaha hoda. VUP za piać miesiacaŭ hetaha hoda skłaŭ amal 70,6 młrd rubloŭ u biahučych cenach.
Vytvorčaść pradukcyi sielskaj haspadarki va ŭsich katehoryjach haspadarak u mai skłała 1,58 młrd rubloŭ, što na 7% mienš, čym hod tamu.
Vytvorčaść pramysłovaj pradukcyi ŭ mai źmienšyłasia na 11% u hadavym vyražeńni i na 6,1% u paraŭnańni z krasavikom 2022-ha. Jana skłała 12,98 młrd rubloŭ. Ahułam za studzień-maj pramvytvorčaść skaraciłasia na 4,2% da 67,38 młrd rubloŭ.
U minułym hodzie VUP pavialičyŭsia na 2,3%, a na 2022 hod byŭ zapłanavany jaho rost na 2,9% u adnosinach da 2021-ha. Heta praduhledžana prahnozam sacyjalna-ekanamičnaha raźvićcia krainy na hety hod. Adnak płany viarstalisia ŭ kancy minułaha hoda da pačatku vajny ŭ Ukrainie i nastupnymi novymi sankcyjami suprać Minska z boku zachodnich krain.
Vałavy ŭnutrany pradukt Biełarusi ŭ studzieni-krasaviku skaraciŭsia na 2,1% da anałahičnaha pieryjadu minułaha hoda. Takim čynam padzieńnie paskoryłasia.
Suśvietny bank raniej u krasaviku abnaviŭ prahnoz pa VUP Biełarusi. Pavodle novaj acenki, u hetym hodzie jon ŭpadzie na 6,5%. Ekspart pamienšaje na 14,2%, a impart — na 18,6%.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary