Zatrymali «złodzieja ŭ zakonie» Kušniarova. Jaho padazrajuć u arhanizacyi zabojstva
19 lipienia zatrymali 56-hadovaha «złodzieja ŭ zakonie» Alaksandra Kušniarova (Kušniera). Jaho abvinavačvajuć u padrychtoŭcy zakaznoha zabojstva, paviedamlaje pres-słužba milicyi. Ale adnosiny hetaha čałavieka z HUBAZiKam niaprostyja — raniej jany sami źviartalisia da jaho z dalikatnymi zadačami.
Zatrymańnie było praviedzienaje pry padtrymcy «Ałmaza». Paviedamlajecca, što Kušniarovu pastupiŭ zakaz na zabojstva rasijskaha kryminalnaha aŭtaryteta i ŭpłyvovaha biznesmiena Badry Kahušvili.
Kušniaroŭ zaniaŭsia arhanizacyjaj zamachu, pošukam vykanaŭcaŭ. Jon znajšoŭ pasrednika i vykanaŭcu złačynstva, nabyŭ revalvier z patronami, pieradaŭ ich zmoŭščykam. Častku sumy za vykanańnie zamovy Kušniaroŭ atrymaŭ «na ruki».
Pry zatrymańni byli kanfiskavanyja niekalki adzinak ahniastrelnaj zbroi i bojeprypasy. Raspačatyja kryminalnyja spravy za padrychtoŭku da zabojstva i za niezakonny abarot zbroi i bojeprypasaŭ.
HUBAZiK dziejničaŭ u partniorstvie z rasijskim MUS.
Kušniaroŭ — kiler homielskaj bandy «marozaŭcaŭ».
Siadzieŭ za kradziežy ŭ 1984-1992 hadach. Paśla vyzvaleńnia ŭstupiŭ u bandu «marozaŭcaŭ». Praź niekalki hadoŭ znoŭ aryštavany, u 1995 hodzie jaho prysudzili da śmiarotnaha pakarańnia za zabojstvy. Potym sud zamianiŭ prysud na 15 hod turmy, a ŭ vyniku Kušniaroŭ pa amnistyi vyjšaŭ jašče raniej, u 2008 hodzie, i pačaŭ śćviardžacca ŭ kryminalnym śviecie Biełarusi. Aproč taho, siadzieŭ u 2011, u 2012-2014 hadach.
Za apošnija dva hady jon nieadnojčy zatrymlivaŭsia, ale vychodziŭ.
Krynicy: Kryminalnaha aŭtaryteta Kušniera, jaki z nažom akazvaŭ supraciŭ pry zatrymańni, adpuścili. Imavierna, biez kryminalnaj spravy
Charaktar raboty HUBAZiKa ź im niajasny. Viadoma, što aryštavanaha za chabary namieśnika načalnika HUBAZiK Uładzimira Cichiniu vypuścili niezadoŭha pierad vybarami z metaj uździejańnia na kryminalitet krainy (tyja viedali jaho, bo jon adkazvaŭ za «aŭtarytetaŭ» u HUBAZiKu). Tyja pavinny byli pad vyhladam hancoŭ ad «apazicyi» pahražać šerahu viadomych u krainie biznesmienaŭ, kab ustrymać ich ad simpatyj da Babaryki.
Adnym z takich ludziej byŭ i Kušniaroŭ, ale dakładna nie jasna, na kolki addana jon vykonvaŭ hetaje daručeńnie.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary