Lehiendarnaja tenisistka Sierena Uiljams u 40 hadoŭ zaviaršaje karjeru
Na dniach Sierena Uiljams, adna z samych znakamitych tenisistak sučasnaści, abviaściła pra chutkaje zaviaršeńnie karjery. 23-kratnaja pieramožca turniraŭ Vialikaha šlema i čatyrochkratnaja alimpijskaja čempijonka abiacaje syści z tenisa paśla turniru US Open.
Pra svaje płany Uiljams raspaviała ŭ vieraśniovym vypusku časopisa Vogue, jaki źjaviŭsia ŭ anłajn-prodažy 9 žniŭnia. Spartsmienka raskazała, što sychodzić z tenisa, kab zaniacca bolš važnymi dla siabie rečami, u tym liku pracaj z ułasnaj vienčurnaj kampanijaj i siamiejnymi spravami. Svoj sychod sa sportu Sierena nazyvaje evalucyjaj, piša New York Times.
Nie ŭsie vierać u toje, što Uiljams chutka pakinie tenis, ale ž US Open — vielmi važny dla jaje turnir, tamu i nie dziva, što tenisistka vyrašyła zrabić jaho apošnim spabornictvam u karjery. Jana 6 razoŭ pieramahała na im u adzinočnym razradzie, pieražyła na im i adny z najhoršych momantaŭ u karjery — naprykład, kanflikty z sudździami i arhanizatarami turniru ŭ paŭfinale 2009 hoda i finale 2018 hoda.
Užo amal hod Sierenu praśledujuć nastupstvy razryvu suchažylla — hetuju traŭmu lehienda atrymała na minułahodnim Uimbłdonie. Za hety čas ź vialikich turniraŭ jana źjaviłasia chiba što na Uimbłdonie, dzie prajhrała ŭ pieršym ž raŭndzie. Tenisistka paviedamlała, što chacieła b znoŭ zaciažaryć, ale nie žadaje pieražyvać ciažarnaść u statusie spartsmienki.
Za ŭsiu karjeru Uiljams atrymała kala 100 miljonaŭ dalaraŭ pryzavych, a taksama vyjhrała 73 turniry ŭ adzinočnym razradzie, 23 — u parnym, 2 — pamiž źmiešanymi parami. Jana pryniała ŭdzieł u čatyroch alimpijadach i zdabyła na ich čatyry załatyja miedali. Što da jaje ŭpłyvu na tenis, Sierena šmat zrabiła, kab źmianić staŭleńnie da žanočaha sportu, źniščyć roźnicu pamiž elitnym mužčynskim i žanočym tenisam i natchnić najlepšych tenisistaŭ sučasnaści. Pra jaje ŭpłyŭ na siabie kazała i 18-hadovaja ŭzychodziačaja zorka tenisa Koka Haŭf, i vialikija tenisisty Rafael Nadal, Rodžer Fiederer i Novak Džokavič.
Treniravać zbornuju Biełarusi pa tenisie pierakinuli śpiecyjalistku ź Fiederacyi rukapašnaha boju
Jak 21-hadovaja polka z maleńkaha haradka ŭźlacieła na viaršyniu suśvietnaha tenisa — historyja novaj pieršaj rakietki
Fiederer, Ranałdu, Ibrahimavič. Voś jak vialikija spartoŭcy, starejšyja za 30, zachoŭvajuć formu
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary