Barysu Maisiejevu było 68 hadoŭ, a pačatkovy etap jaho bijahrafii byŭ źviazany ź Biełaruśsiu.
Barys Maisiejeŭ naradziŭsia 4 sakavika 1954 hoda ŭ Mahilovie. Skončyŭšy škołu, jon źjechaŭ u Minsk, dzie pastupiŭ u Minskaje chareahrafičnaje vučylišča. A skončyŭšy jaho jak kłasičny tancoŭščyk, pajechaŭ šukać ščaście pa ŭsim Sajuzie, pracavaŭ va Ukrainie, Litvie, Łatvii, u kancy 1980-ch byŭ pieryjad pracy navat u ZŠA.
U 1974 hodzie, padčas vučoby ŭ Minsku, 20-hadovy Barys Maisiejeŭ zdymaŭsia ŭ biełaruskim filmie «Jaś i Janina». Hałoŭnuju rolu ŭ im syhraŭ Uładzimir Mulavin, a Maisiejeŭ u epizodach tancavaŭ na budplacoŭcy.
Šyrokuju viadomaść nabyŭ na pačatku 1990-ch, kali adnym ź pieršych u Rasii zrabiŭ kaminh-aŭt i staŭ prezientavać siabie jak śpievaka-homaseksuała, što znajšło adlustravańnie i ŭ repiertuary.
Pakolki Maisiejeŭ dziacinstva i junactva pravioŭ u Biełarusi, to viedaŭ biełaruskuju movu i navat viadomyja vypadki, kali na joj śpiavaŭ. Adzin ź ich — vykanańnie pieśni «Sałaviej śpiavaje» ź viadomaj biełaruskaj śpiavačkaj Alesiaj.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk13
Kamientary