U Polščy ŭ horadzie Haleniaŭ adkryli hazapravod Baltic Pipe. Pa im ŭ Polšču budzie pastaŭlacca praz Daniju haz z Narviehii — 10 młrd kubamietraŭ štohod.
«Epocha rasijskaha daminavańnia ŭ hazavaj śfiery padychodzić da kanca: epocha, adznačanaja šantažom, pahrozami i vymahalnictvam», — cytuje słovy polskaha premjer-ministra Matevuša Maravieckaha pap.pl.
«Siońnia my narešcie adkryvajem hazapravod, jaki dziesiacihodździami byŭ polskaj maraj tych, chto mieŭ bačańnie dyviersifikacyi pastavak hazu ŭ Polšču, uzmacnieńnia suvierenitetu i zabieśpiačeńnia niezaležnaści ad pastavak z Rasii», — adznačyŭ na adkryćci hazapravoda polski prezident Andžej Duda.
Baltic Pipe złučyŭ hazapravodam Polšču i Daniju. Tamu ŭ mierapryjemstvie ŭdzielničała premjer-ministr hetaj krainy Mete Frederyksen.
Čakajecca, što haz z Narviehii pačnie pastaŭlacca ŭ Polšču i ŭ susiednija krainy z 1 kastryčnika, a da zimy hazapravod zapracuje na poŭnuju mahutnaść. Pastaŭki buduć zabiaśpiečanyja za košt zdabyčy sumiesnym pradpryjemstvam z udziełam polskaha kapitału, a taksama za košt kantraktaŭ, zaklučanych kampanijaj PGNiG.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?61
Kamientary