Eks-dyrektar CRU: ZŠA źniščać usiu rasijskuju techniku va Ukrainie i «kožny karabiel u Čornym mory», kali Pucin prymienić jadziernuju zbroju
ZŠA i ich sajuźniki źniščać rasijskija vojski i techniku va Ukrainie, a taksama patopiać jaje Čarnamorski fłot, kali prezident Rasii Uładzimir Pucin prymienić jadziernuju zbroju, papiaredziŭ u niadzielu były dyrektar CRU i hienierał armii ŭ adstaŭcy Devid Piatreus, piša BBC sa spasyłkaj na Guardian.
Pietreus skazaŭ, što nie abmiarkoŭvaŭ z daradcam pa nacyjanalnaj biaśpiecy Džejkam Salivanam vierahodny adkaz ZŠA na jadziernuju eskałacyju z boku Rasii, ale pra toje, jakoj budzie hetaja reakcyja, nieadnarazova paviedamlałasia Maskvie.
«Prosta kab dać vam hipatetyčnaje ŭjaŭleńnie — my b adkazali, uznačaliŭšy kalektyŭnyja namahańni NATO, jakija źniščyli b usie zvyčajnyja rasijskija siły, jakija my možam ubačyć i identyfikavać na poli boju va Ukrainie, a taksama ŭ Krymie, i kožny karabiel u Čornym mory», — skazaŭ Pietreus.
Na pytańnie, ci pryviadzie vykarystańnie Rasijaj jadziernaj zbroi va Ukrainie da ŭciahvańnia ŭ vajnu ZŠA i NATO, Pietreus adkazaŭ, što heta nie pryviadzie da spracoŭvańnia artykuła 5 Paŭnočnaatłantyčnaha aljansu ab kalektyŭnaj abaronie, bo Ukraina nie źjaŭlajecca jaho častkaj, adnak «adkaz ZŠA i NATO» byŭ by darečny.
Pietreus pryznaŭ, što imaviernaść raspaŭsiudžvańnia radyjacyi paśla vykarystańnia Rasijaj jadziernaj zbroi na krainy NATO, jakija znachodziacca pad ehidaj artykuła 5, moža być rastłumačanaja jak napad na krainu-čalca NATO.
«Heta nie moža zastacca biez adkazu», — dadaŭ adstaŭny hienierał.
Eks-dyrektar CRU ličyć, što Pucin «u rospačy» z-za paśpiachovaha kontrnastupleńnia ŭkrainskich sił na ŭschodzie krainy.
«Realnaść pola boju, ź jakoj jon sutykajecca, dumaju, niezvarotnaja, — skazaŭ Pietreus. — Nijakaja biazładnaja mabilizacyja, nijakaja anieksija, nijakija navat zavualiravanyja jadziernyja pahrozy nie zdolnyja vyvieści jaho z hetaj kankretnaj situacyi».
«I navat prymianieńnie taktyčnaj jadziernaj zbroi na poli boju ničoha nie źmienić», — dadaŭ jon.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie1
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary