Iłan Mask pierad tym, jak rabić skandalnyja zajavy na palityčnyja temy, moh razmaŭlać z Pucinym
Pra heta paviedamiŭ amierykanski palitołah Jan Bremier, jaki spasłaŭsia na svaju razmovu ź biznesmienam. Bremier pryvioŭ źmiest razmovy z Maskam u rassyłcy, nakiravanaj padpisčykam svajoj kansałtynhavaj kampanii Eurasia Group, piša Vice.
Iłan Mask nibyta skazaŭ Bremieru, što Pucin «hatovy da pieramovaŭ», ale tolki ŭ tym vypadku, kali Krym zastaniecca rasijskim, Ukraina budzie niejtralnaj i pryznaje anieksiju «DNR», «ŁNR», Chiersonskaj i Zaparožskaj abłaściej.
Pa słovach Bremiera, Mask śćviardžaje, što Pucin skazaŭ jamu, što hetyja mety buduć dasiahnutyja, «niahledziačy ni na što». Jon taksama zhadaŭ pra mahčymy jadzierny ŭdar u vypadku ŭvarvańnia Ukrainy ŭ anieksavany Krym. I Mask skazaŭ Bremieru, što «treba zrabić usio, kab paźbiehnuć takoha».
Sam Mask hetuju infarmacyju asprečyŭ: «Heta niapraŭda. Ja razmaŭlaŭ z Pucinym tolki adzin raz kala 18 miesiacaŭ tamu. Havorka išła pra kosmas», — adkazaŭ Mask na pytańnie adnosna razmovy z prezidentam Rasii.
Nahadajem, što 3 kastryčnika multymiljarder Iłan Mask, jaki dahetul padtrymlivaŭ u vajnie ŭkrainski bok, raptam vykazaŭsia pra toje, jakija, na jaho dumku, mohuć być umovy miru pamiž Maskvoj i Kijevam. Pavodle jaho, heta mahčyma tady, kali buduć praviedzienyja novyja vybary ŭ anieksavanych rehijonach pad nahladam AAN, Krym zastaniecca častkaj Rasii, budzie harantavanaje jaho vodazabieśpiačeńnie, a Ukraina zastaniecca niejtralnaj.
Hetyja prapanovy vyklikali abureńnie ŭ mnohich karystalnikaŭ, u tym liku i ŭ aficyjnaha kiraŭnictva Ukrainy.
Čytajcie taksama:
Iłan Mask patrapiŭ u skandał, vyrašyŭšy parazvažać pra vajnu, Ukrainu, Rasiju i Krym
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Chutčej za ŭsie, voś tut i nieparazumieńnie. pucin kazaŭ usio heta ŭ svaich vystupach adkryta, a Mask prosta pierapužaŭsia