U Homieli zvolnili «za palityku» niekalkich supracoŭnikaŭ dziaržaŭnaha radyjo
Na «Homielskim haradskim radyjo» zvolnili niekalkich supracoŭnikaŭ — radyjoviadučych abvinavacili ŭ padtrymcy pratestoŭcaŭ u 2020 hodzie. Napiaredadni ich imiony źjavilisia ŭ praŭładnych telehram-kanałach, piša Zerkalo.io.
U aŭtorak, 11 listapada, u praŭładnym telehram-kanale źjavilisia post, dzie nibyta adzin z padpisčykaŭ paskardziŭsia na radyjo 107.4 FM u Homieli, zasnavalnik jakoha — miascovy vykankam. U efiry, pa słovach karystalnika, «tak raśpisvajuć vartaści niejkaha Ju.A. Dudzia, raspaviadajuć, jaki jon paśpiachovy, znakamity i ŭvieś ź siabie kłasny», choć toj, na dumku aŭtara, «ŭtoptvaŭ u brud našu krainu». Aburyła jaho i toje, što viadučy pavinšavaŭ rasijskaha žurnalista z dniom naradžeńnia.
Paśla ŭ kanale vykłali skrynšoty z sacsietak radyjoviadučych Arcioma Zabirana i Jarasłava Byčkoŭskaha, siarod ich — klip Kasty «Vychodi hulať», videa Maksima Kaca pra Ninu Bahinskuju, łajki na pastach, dzie jość BČB-simvolika.
Jak stała viadoma Zerkalo.io, Zabiran i Byčkoŭski ŭžo zvolnienyja. Jašče ranicaj u sieradu, 12 kastryčnika, ich proźviščy byli na sajcie «Homielskaha haradskoha radyjo», ale da siaredziny dnia źnikli.
Sam Zabiran vykłaŭ post u fejsbuku z pracoŭnaj knižkaj i podpisam: «Nu, što ž… heta byli 3 kłasnyja hady pracy ŭ dobrym kalektyvie. Ja budu sumavać».
Pa słovach krynicy, znajomaj ź situacyjaj, pazbavilisia pracoŭnaha miesca i inšyja supracoŭniki, a ŭ kalektyvach inšych homielskich dziaržSMI pačalisia pravierki.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary