Dva hady «chimii» vynies sud haradziencu za ŭdzieł u maršy pratestu
U sudzie Kastryčnickaha rajona Hrodna vyniesieny prysud čarhovamu ŭdzielniku maršu pratestu, jaki adbyŭsia 6 vieraśnia 2020 hoda. Haradzienca Juryja Kurčeŭskaha abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, ci aktyŭnym ŭdziele ŭ takich dziejańniach (č.1 art. 342), paviedamlaje «Viasna».
Spravu razhladaŭ sudździa Dźmitryj Kiedal.
Pa materyjałach abvinavačańnia, Juryj Kurčeŭski, 6 vieraśnia daviedaŭšysia pra płanujemuju akcyju pratestu, prybyŭ na płošču Savieckuju, kab razam ź inšymi prajści maršam pa centry horada. Pry hetym «hruba parušaŭ hramadski paradak, pryniaŭ aktyŭny ŭdzieł u hrupavych niesankcyjanavanych masavych mierapryjemstvach — mitynhu, šeści, vybudavaŭšysia ŭ šerah, pieraharadziŭšy centralny ŭvachod u filijał AAT «Biełarusbank» i častku tratuara, što paciahnuła parušeńnie pracy nazvanaj ustanovy».
Pry hetym na patrabavańni ab spynieńni supraćpraŭnych dziejańniaŭ nie reahavaŭ. Dalej, praciahvajučy svaje dziejańni, pryniaŭ aktyŭny ŭdzieł u hrupavym niesankcyjanavanym mierapryjemstvie — masavym vuličnym šeści, jakoje pieraškadžała ruchu transpartu. U vyniku aŭtatranspartnamu pradpryjemstvu byŭ naniesieny ŭron na sumu 71,69 rubloŭ.
6 vieraśnia ŭ centry Hrodna byŭ zapłanavany čarhovy marš niazhodnych ź dziejańniami ŭładaŭ. Pratestoŭcy źbiralisia ŭ šaści punktach horada, kab dajści da Savieckaj płoščy. Hrupy ludziej, jakija išli da centra, raźbivali siłaviki. Masavyja zatrymańni i sčepki byli na vuł. Astroŭskaha. Paźniej ludzi sabralisia na Savieckaj płoščy i pajšli maršam da ŭniviersama «Brest». Tam ludziej sustreŭ AMAP, jaki ŭžyŭ haz. Sčepku raźbili, niekatorych ludziej zatrymali, astatnija syšli. Pry zatrymańniach i mužčyn, i žančyn dušyli, ciahnuli pa asfalcie i raspylali haz prosta ŭ tvar.
U sudovym pasiadžeńni Kurčeŭski svaju vinu pryznaŭ całkam.
Sud pastanaviŭ pryznać Kurčeŭskaha vinavatym i 26 vieraśnia prysudziŭ jamu abmiežavańnie voli terminam na dva hady z nakiravańniem va ŭstanovu adkrytaha typu («chimija»).
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać5
Kamientary