Bajden: Ja hatovy pahavaryć z Pucinym, kali jon zachoča spynić vajnu
Prezident ZŠA Džo Bajden skazaŭ, što ŭ najbližejšy čas u jaho niama namieru źviazvacca z Uładzimiram Pucinym, ale jon hatovy pahavaryć z prezidentam Rasii tady, kali toj budzie zacikaŭleny ŭ spynieńni vajny.
«U mianie niama bližejšych płanaŭ źviazvacca z Pucinym, — skazaŭ Bajden na pres-kanfierencyi ŭ Biełym domie paśla pieramoŭ z prezidentam Francyi Emanuelem Makronam, jaki pryjechaŭ ź vizitam u ZŠA. —
Ja hatovy pahavaryć sa spadarom Pucinym, kali jon prajavić zacikaŭlenaść u tym, kab znajści sposab pakłaści kaniec vajnie. Jon jašče hetaha nie zrabiŭ».
Pry hetym prezident ZŠA padkreśliŭ, što budzie heta rabić tolki prakansultavaŭšysia z sajuźnikami pa NATA.
Makron ža sa svajho boku paabiacaŭ nie padšturchoŭvać Ukrainu da kampramisu, jakoha jana nie moža pryniać.
Abodva lidary zajavili ŭ sumiesnaj zajavie, što jany majuć namier pryciahnuć Rasiju da adkaznaści «za šyroka zadakumientavanyja źvierstvy i vajennyja złačynstvy, učynienyja jak jaje rehularnymi ŭzbrojenymi siłami, tak i inšymi siłami, uklučajučy najmitaŭ, takich jak PVK «Vahnier» va Ukrainie».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary