Biełaruś nie ŭklučyli ŭ dziaviaty pakiet sankcyj ES, jaki ŭvodzicca z-za rasijskaha ŭvarvańnia va Ukrainu. Pra heta paviedamiŭ 4 śniežnia žurnalist «Radyjo Svaboda» ŭ Brusieli Ryčard Joźviak u tvitary.
The European Commission today briefed EU member states on the 9th sanctions package on #Russia. Interestingly #Belarus isn't targeted (again). some 180 listings and targeting banks, media transmission and technology. could potentially be agreed when EU FMs meet on 12 dec.#Ukraine
«Jeŭrapiejskaja kamisija siońnia (4 śniežnia) praviała bryfinh dla pradstaŭnikoŭ krain — členaŭ ES nakont dziaviataha pakieta sankcyj, jakija ŭvodziacca suprać Rasii. Cikava, što jon nie nakiravany na Biełaruś (znoŭ)», — napisaŭ Joźviak.
Pa słovach žurnalista, čarhovy sankcyjny pakiet naličvaje 180 pazicyj, uklučajučy rasijskija banki, miedyja i technałohii. Jaho mohuć pryniać na sustrečy ministraŭ zamiežnych spraŭ krain — udzielnic ES 12 śniežnia.
Polšča i krainy Bałtyi prapanoŭvali ŭ ramkach dziaviataha sankcyjnaha pakieta abmiežavać supracoŭnictva ŭ halinie jadziernaj enierhietyki, a taksama ŭvieści zabaronu na prodaž Rasii lubych bieśpiłotnych latajučych aparataŭ, u tym liku hramadzianskich. Ci ŭvojdzie niešta takoje ŭ pakiet, pakul nie paviedamlajecca.
Čakajecca, što sankcyi buduć kančatkova ŭzhodnienyja na sustrečy kiraŭnikoŭ MZS Jeŭrasajuza 12 śniežnia.
Čytajcie taksama:
Litva budzie dabivacca ŭraŭnavańnia sankcyj dla Rasii i Biełarusi, a mytnia zrobić pravierku hruzaŭ stražejšaj
Z-za zachodnich sankcyj łukašenkaŭcy musiać zamianiać pieradavyja srodki abarony infarmacyi svaimi ŭłasnymi
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?64
Kamientary