Pa vynikach elektronnych tarhoŭ na placoŭcy «BUTB-majomaść» pradadzieny budynak parachavoha pohraba «Ž-Z», jaki ŭvachodzić u kompleks Bresckaj krepaści.
«Dany abjekt maje status historyka-kulturnaj kaštoŭnaści i ŭvachodzić u skład fartyfikacyjnych zbudavańniaŭ Bresckaj krepaści. Pabudavany ŭ 1912 hodzie adnapaviarchovy budynak sklepa byŭ vystaŭleny na prodaž pa pačatkovaj canie Br32 (adna bazavaja vieličynia). Adnak u chodzie tarhoŭ, na jakija zarehistravalisia 4 udzielniki, košt majomaści vyras u 236 razoŭ», — havorycca ŭ paviedamleńni biržy.
Tam padkreślili, što «sproby znajści inviestara dla hetaha abjekta nieruchomaści rabilisia nieadnarazova, u tym liku praź placoŭku «BUTB-majomaść». Tym nie mienš, doŭhi čas achvotnych nabyć parachavy sklep nie było. Situacyja źmianiłasia paśla taho, jak pačatkovy košt budynka byŭ źnižany da adnoj bazavaj vieličyni».
Usiaho ŭdzielniki tarhoŭ zrabili 1562 staŭki, pierš čym vyznačyŭsia pieramožca. U vyniku cana prodažu skłała 7562,4 rubla.
Akramia samoha budynka parachavoha sklepa, pakupnik atrymaŭ prava arendy ziamielnaha ŭčastka terminam na 50 hadoŭ.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?76
Kamientary