Pradstaŭnik Hienštaba raskazaŭ, što budzie z tymi vajskovaabaviazanymi, jakija nie pryjšli na źvierku
Pradstaŭnik hałoŭnaha arhanizacyjna-mabilizacyjnaha ŭpraŭleńnia Hienieralnaha štaba Uzbrojenych sił Biełarusi Michaił Fafanaŭ u efiry telekanała STB paŭtaryŭ aficyjnyja źviestki, što na źvierku źviestak vajskovaabaviazanych, jakuju Minabarony pravodziła ŭ kancy minułaha hoda, pryjšli nibyta ažno 95% usich tych, chto byŭ pavinien. A čaho čakać tym, chto nie pryjšoŭ?
Pavodle słoŭ vajskovaha čynoŭnika, jość nievialiki pracent hramadzian, jakija pa abjektyŭnych pryčynach (kamandziroŭki, chvaroba, znachodzilisia za miežami Respubliki Biełaruś) nie prajšli źvierku.
«Dalejšaja praca pa źviercy ich ulikovych źviestak budzie pravodzicca ŭ chodzie płanavaj pracy vajennych kamisaryjataŭ.
Takim čynam, nijakich sankcyj da tych, chto nie prajšoŭ źvierku, u tym liku i abmiežavańnia vyjezdu za miežy Respubliki Biełaruś, nie praduhledžana. Chaj nie bajacca, prychodziać i ŭsio ŭ płanavym paradku, kali im budzie zručna, projduć», — skazaŭ Michaił Fafanaŭ.
I padkreśliŭ, što «mierapryjemstvy pa źviercy ŭlikovych źviestak nie razavyja, a pravodziacca ŭ Respublicy Biełaruś vajennymi kamisaryjatami pastajanna na płanavaj asnovie».
Raniej vajenkam Bresckaj vobłaści zajaviŭ u admysłovym videa, što tych, chto nie źjaviŭsia na źvierku, nie buduć vypuskać za miažu. Ale Minabarony, jak tolki hetaja infarmacyja pačała pašyracca, adrazu ž jaje abvierhła.
Čytajcie taksama:
«Abmiežavańni na vyjezd za miežy krainy prymianiacca nie buduć». Minabarony paśpiašałasia abvierhnuć słovy bresckaha vajenkama
Biełarusaŭ, jakija nie prajšli źvierku źviestak u vajenkamacie, płanujuć nie vypuskać za miažu
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?55
Kamientary
Aleksiéj Ivánovič Fófanov (15 maja 1915, dier. Klimovskaja (nynie Pudožskij rajon Karielii) — 4 sientiabria 1986 hoda, Kijev, Ukraina) — Hieroj Sovietskoho Sojuza, komandir tankovoj roty 344-ho tankovoho batalona 91-j otdielnoj tankovoj brihady 3-j hvardiejskoj tankovoj armii 1-ho Ukrainskoho fronta, staršij lejtienant
Rodiłsia v sieḿje iźviestnoho skazitiela bylin Ivana Tierienťjeviča Fofanova
i t.d. i d.t.p.