Žančyna zakłała kvateru i zalezła ŭ daŭhi, kab apłačvać pasłuhi anłajn-varažbitki
Žycharka Barysava, biespaśpiachova šukajučy sabie muža, vyrašyła ŭrešcie pryčaravać jaho z dapamohaj varažbitki. Ale heta była kiepskaja ideja, piša ahienctva «Minsk-Naviny» na padstavie infarmacyi Śledčaha kamiteta.
52-hadovaja žycharka Barysava vielmi chacieła znajści sabie spadarožnika žyćcia, ale praz sajty znajomstvaŭ zrabić heta joj nie ŭdavałasia.
Tady jana źviarnuła ŭvahu na abjavu ŭ internecie ad varažbitki. Taja prapanoŭvała zdymać suroki, pravodzić roznyja abrady, spryjać biznes-pośpiecham i h. d.
Žančyna raskazała anłajn-varažbitcy pra svaje prablemy. Taja abiacała dapamahčy, ale patrabavała za heta hrošaj. Prytym u vymahańni ich prajaŭlała vialikuju vynachodlivaść. Tak, bujnuju sumu žančyna pieraviała na rachunak varažbitki za pazbaŭleńnie ad ałkaholnaj zaležnaści adnaho z patencyjnych kavaleraŭ, a taksama za lačeńnie inšaha. U niekalki tysiač dalaraŭ abyšlisia ačystka kvatery žančyny i dastaŭka joj pasyłki ź Jerusalima z čerapam i śviečkaj.
Žančyna była adzinokaja, bieź blizkich svajakoŭ i siabroŭ, i ŭ asobie varažbitki znašła blizkaha čałavieka, jakomu daviarała, dzialiłasia patajemnym i za ŭsio płaciła. I navat kali ŭłasnyja hrošy na apłatu pasłuh novaj siabroŭki skončylisia, žančyna nie spyniłasia i stała afarmlać kredyty ŭ bankach, a kali ich pierastali davać, to zakłała kvateru.
Usiaho za pasłuhi anłajn-varažbitki barysaŭčanka pieraličyła bolš za 30 tys. rubloŭ. I tolki paśla razmovy sa śviatarom jana narešcie zrazumieła, što stała achviaraj machlarki, i źviarnułasia ŭ milicyju.
Varažbitku chutka zatrymali, joj akazałasia 28-hadovaja žycharka Homiela, maci traich dziaciej. Jana raskazała, što raźmiaściła abjavu i zarablaje takim čynam užo daŭno. Ciapier vyśviatlajecca, ci jość jašče paciarpiełyja ad dziejańniaŭ hetaj machlarki.
Uletku 2022 hoda hetaja žančyna, darečy, była asudžanaja za ździajśnieńnie anałahičnaha złačynstva, ale minuły raz joj udałosia zarabić našmat mienš. Tym nie mienš žančyna nie spyniłasia i praciahnuła padmanvać davierlivych ludziej.
Dziejańni žančyny kvalifikavanyja śledstvam pa č. 3 art. 209 KK («Machlarstva, ździejśnienaje ŭ asabliva bujnym pamiery»). Jaje ŭziali pad vartu.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary