Sajt tabletka.by, na jakim mnohija šukali leki ŭ aptekach Biełarusi, tydzień tamu paciarpieŭ ad chakierskaj ataki i z taho času nie pracavaŭ. Ale 21 lutaha jaho znoŭ zapuścili.
Stvaralniki tabletka.by śćviardžajuć, što, niahledziačy na masiravanuju ataku na sierviery prajekta, uciečki źviestak na im nie adbyłosia. Siervier zboru i apracoŭki źviestak nibyta nie paciarpieŭ.
«Na biahučy momant my razharnuli apieracyjnuju sistemu na reziervovym sierviery i zajmajemsia adnaŭleńniem bazavaha pošukavaha funkcyjanału prajekta tabletka.by z najaŭnych łakalnych kopij i napracovak», — tłumačać jany.
Pakul hety resurs nie pracavaŭ, jahonuju dziejnaść praciahvaŭ sajt 103.by, dzie dla karystalnikaŭ taksama dajecca padrabiaznaja infarmacyja pra miedpreparaty: ich košt i najaŭnaść u roznych aptekach Biełarusi.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?61
Kamientary