Na budynku haradskoha ŭrada polskaha Ełka da Dnia Voli vyviesili biełaruski ściah
24 sakavika ŭ polskim horadzie Ełk, što ŭ paŭnočnym Varminska-Mazurskim vajavodstvie, miascovyja ŭłady z nahody Dnia Voli vyviesili biełaruski nacyjanalny bieł-čyrvona-bieły ściah na znak salidarnaści ź biełarusami, piša «Biełsat».
«Ciapier u Biełarusi mnohija ludzi źniavolenyja ŭ turmy z pryčyny palityčnych abvinavačańniaŭ. U vyniku represij hramadzianskaja supolnaść rujnujecca, a biełarusy vymušanyja pakidać radzimu. U našym horadzie taksama pražyvajuć biełaruskija siemji, jakija ŭ pošukach biaśpieki emihravali ŭ našu krainu», — havorycca ŭ zvarocie, apublikavanym na sajcie miascovaha kiraŭničaha orhana.
Bieła-čyrvona-bieły ściah u znak salidarnaści ź biełaruskimi demakratyčnymi siłami byŭ vyviešany na budynku meryi Ełka.
Taksama na ličbavych ekranach haradskoj ratušy adlustroŭvajecca hrafika ŭ kolerach histaryčnaha ściaha Biełarusi i nadpis pra salidarnaść ź biełaruskim narodam.
Ściah u Ełku vyviesili na prośbu miascovych biełarusaŭ, jakija źviarnulisia z adpaviednaj prapanovaj na elektronny adras prezidenta horada Tomaša Andrukieviča.
«My prosta napisali list, i praź niekalki dzion nam dasłali adkaz z prapanovaj patelefanavać na numar i ŭzhadnić vizit da prezidenta horada. I ŭžo na samoj sustrečy spadar Andrukievič raspavioŭ, što ściah na salidarnaść ź biełarusami budzie vyviešany», — raspaviali biełarusy Ełka ŭ kamientary «Biełsatu».
Bieł-čyrvona-biełyja ściahi na znak salidarnaści ź biełarusami ŭžo vyviešvali ŭ Ełku ŭ vieraśni 2020 hoda.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary