U Barysaŭskim rajonie farmujuć bataljon terabarony z vajskoŭcaŭ zapasu
U Barysaŭskim rajonie farmujucca štab i strałkovy bataljon ź liku vajskoŭcaŭ zapasu. Jak paviedamlaje Minabarony, vajennaabaviazanyja projduć mierapryjemstvy bajavoha zładžvańnia i prymuć udzieł u kamandna-štabnych vučeńniach.
«Nieabchodna sfarmavać štab Barysaŭskaha rajona i asobnaha strałkovaha bataljona», — paviedamiŭ načalnik upraŭleńnia terytaryjalnaj abarony vajskovaha kamisaryjata Minskaj vobłaści Dźmitryj Valfovič.
Pa słovach pradstaŭnika terabarony rehijona, z vajskoŭcami zapasu budzie praviedzienaja indyvidualnaja padrychtoŭka, zładžvańnie adździaleńniaŭ i ŭzvodaŭ i na zaviaršalnym etapie — štabnaja treniroŭka.
Udzielniki projduć ahniavuju padrychtoŭku, a na zaviaršalnym etapie kompleksnaj pravierki budzie praviedzienaje kamandna-štabnoje vučeńnie.
«Na zaklučnym etapie kompleksnaj pravierki budzie praviedzienaje kamandna-štabnoje vučeńnie, u ramkach jakoha buduć vykonvacca zadačy pa achovie i abaronie abjektaŭ terytaryjalnaj abarony, niasieńnia słužby na kantrolna-prapusknym punkcie, achova miesca raźmiaščeńnia, vykanańnie mierapryjemstva padtrymańnia vajennaha stanovišča», — patłumačyŭ Dźmitryj Valfovič.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary