Uračystaści projduć u niadzielu 22 listapada.
Hramadskaje abjadnańnie «Historyka» 22 listapada ŭ Rahačovie (Homielskaja vobłaść) adznačyć dzień naradžeńnia kłasika biełaruskaj litaratury Uładzimira Karatkieviča.
Pra heta paviedamiŭ vykanaŭčy dyrektar abjadnańnia Źmicier Rahačoŭ.
Pavodle jaho słoŭ, u prahramie śviatkavańnia, jakoje pravodzicca ŭ miežach kampanii «Budźma biełarusami!», ekskursija pa miaścinach Karatkieviča ŭ Rahačovie i jaho vakolicach, muzyčna‑paetyčnyja vystupleńni z udziełam biełaruskich bardaŭ, uručeńnie suvieniraŭ udzielnikam tvorčaj akcyi, a taksama vohniennaje šou na haradziščy staražytnaha Rahačova na Zamkavaj hary. Tut u siaredzinie XVI stahodździa ŭ styli reniesansnych italjanskich pałacaŭ byŭ pabudavany zamak karalevy i vialikaj kniahini Bony — žonki polskaha karala i vialikaha kniazia litoŭskaha Žyhimonta I Staroha.
Udzielniki śviatkavańnia vyjazdžajuć ź Minska ranicaj 22 listapada (daviedki pa mabilnym telefonie: 537‑64‑14).
Rahačoŭščyna zajmaje asablivaje miesca ŭ tvorčym losie Uładzimira Karatkieviča, 80 hadoŭ z dnia naradžeńnia jakoha budzie adznačacca 26 listapada 2010 hoda. Mnohija svaje tvory Karatkievič napisaŭ mienavita ŭ Rahačovie. Siarod ich — raman «Kałasy pad siarpom tvaim», apaviadańnie «Parom na burnaj race» i navieła «Ładździa rospačy», jakaja raspaviadaje ab siaredniaviečnym žychary Rahačova Hiervasii Vylivachu. Piśmieńnik ličyŭ, što hety tvor źjaŭlajecca najbolš udałaj sprobaj «pakazać abahulnieny charaktar biełarusa, jakomu i čort nie brat, jakoha i śmierć nie pužaje, jaki bolš za ŭsio lubić Radzimu, žyćcio i viesiałość i ni pry jakich abstavinach nie ŭstupić u baraćbie za ich».
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła3
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4040
Kamientary