Mikałaj Chalezin i Natalla Kalada hanaravanyja zvańniem Ordena Brytanskaj impieryi
Zasnavalniki «Biełaruskaha svabodnaha teatra» Mikałaj Chalezin i Natalla Kalada hanaravanyja zvańniem členaŭ Ordena Brytanskaj impieryi za zasłuhi pierad teatram u honar dnia naradžeńnia karala ŭ 2023 hodzie.
«Nievierahodna kranalna być udastojenymi takoha honaru ad karala. Bolš za dziesiać hadoŭ tamu Vialikabrytanija dała nam palityčny prytułak i stała našym druhim domam. Hetaja ŭznaharoda pryznaje našy dasiahnieńni ŭ śviecie teatra, mastackaje vykazvańnie našaj pastajannaj baraćby za pravy i svabody čałavieka, jakaja zabiaśpiečvajecca demakratyjaj, jakuju my ciapier nazyvajem domam. Jak mastaki i jak hramadzianie, my ličym, što siońnia jak nikoli važna pakłaści kaniec vajnie va Ukrainie i dyktatury ŭ Biełarusi, kab harantavać biaśpieku i stabilnaść Jeŭropy», — zajaviła Natalla Kalada.
«My niastomna zmahajemsia za svabodu samavyjaŭleńnia i prava zajmacca mastactvam, bo jano farmuje toje, čym my źjaŭlajemsia jak ludzi i jak nacyi. My žyviom u tyja časy, kali časam zdajecca, što mastactva i teatr bolš nie majuć značeńnia. Taki honar jašče raz padkreślivaje sutnaść taho, čamu my robim toje, što robim; i my padzialajem z usimi, chto kali-niebudź byŭ i praciahvaje źjaŭlacca častkaj našaha tvorčaha pracesu — jak na scenie, tak i za jaje miežami», — napisaŭ u fejsbuku Mikałaj Chalezin z nahody pradstaŭleńnia da ŭznaharody.
Orden Brytanskaj impieryi — rycarski orden, jakim uznaharodžvajucca za ŭkład u mastactva i navuku, pracu z dabračynnymi i sacyjalnymi arhanizacyjami, a taksama za dziaržaŭnuju słužbu. Jon byŭ zasnavany 4 červienia 1917 hoda karalom Hieorham V i ŭklučaje piać kłasaŭ jak u hramadzianskich, tak i ŭ vajskovych padraździaleńniach. Dva najvyšejšyja kłasy robiać atrymalnika rycaram abo damaj. Uznaharody prysudžajucca dvojčy na hod: na Novy hod i na aficyjny dzień naradžeńnia manarcha, piša Reform.by.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie1
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary