Partuhalski žurnalist nazvaŭ Kryšcijanu Ranałdu karysnym idyjotam na słužbie adnoj z najhoršych dyktatur u śviecie
Partuhalec Enrykie Rapoza, ahladalnik Expresso i były redaktar časopisa Atlantico, padzialiŭsia mierkavańniem pra tranśfier Kryšcijanu Ranałdu ŭ «Al-Nasr» u Saudaŭskaj Aravii, piša «Trybuna».
«Prablema pačynajecca z Ranałdu, jaki staŭ karysnym idyjotam dla adnoj z najhoršych u śviecie dyktatur i adkryŭ dla inšych hulcoŭ mahčymaść stać karysnymi idyjotami dla dyktatury, jakaja sprabuje siabie lehitymizavać.
Tam jość taki čałaviek, jak Muchamied ibn Sałman Al Saud (premjer-ministr Saudaŭskaj Aravii), jaki adbiraje paŭnamoctvy ŭ miascovych uład i pieratvaraje Saudaŭskuju Araviju ŭ svojeasablivuju centralizavanuju dyktaturu jeŭrapiejskaha typu. U abmien na heta jon daŭ niekatoryja pravy žančynam, ale ciapier jon ich daŭ, a praź niekalki hadoŭ moža zabrać, kali zachoča.
I krychu sumna bačyć, jak futbalisty — zorki, simvały, prykład dla dziaciej pa ŭsim śviecie — pieratvarajucca ŭ karysnych idyjotaŭ dla dyktatury. Jość hulcy, jakija zarablajuć u Jeŭropie čystymi 5, 6, 10 młn jeŭra, a tam im prapanujuć 50, 60, 70…
Pahladzicie, što ŭ Jeŭropie adbyvajecca z moładździu — jana ŭ rospačy. U rabočaha kłasa niama pracy. Prosta pahladzicie na adčaj ludziej u Francyi. I trochi siurrealistyčna abmiarkoŭvać futbalista, jaki zarablaje 60 miljonaŭ, na fonie miljonaŭ maładych ludziej, jakija akazalisia ŭ biazvychadnym stanoviščy», — zajaviŭ Rapoza.
Nahadajem, što Kryšcijanu Ranałdu pierajšoŭ u «Al-Nasr» u śniežni 2022 hoda paśla dvuch dziesiacihodździaŭ zornaj karjery ŭ partuhalskim «Sportynhu» (2002—2003), «Mančester Junajted» (2003—2009, 2021—2022), «Reale» (2009—2018) i «Juvientusie» (2018—2021). Paviedamlałasia, što ŭ Saudaŭskaj Aravii jon zarobić 200 miljonaŭ jeŭra.
Taksama ŭ Saudaŭskuju Araviju pierabralisia Karym Bienziema («Reał») i N'Hało Kante («Čełsi»).
Taksama siońnia źjaviłasia infarmacyja, što adzin z saudaŭskich kłubaŭ prapanuje 30 miljonaŭ jeŭra 45-hadovamu italjanskamu hałkipieru Džanłuidžy Bufonu, jaki paśla zornaj karjery ŭ «Juvientusie» i dvuch siezonaŭ u PSŽ, viarnuŭsia ŭ «Parmu» (Sieryja B), dzie pačynaŭ karjeru.
U toj ža čas Lijanel Miesi i Łuka Modryč admovilisia pierachodzić u aravijskija kłuby. Miesi budzie hulać za «Inter» z Majami, a 37-hadovy Modryč jašče na hod praciahnuŭ kantrakt z «Reałam».
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać9
Kamientary
Dy navat pacałunak na vulicy nielha.
Hańba