Hitanas Naŭsieda ličyć, što Biełaruś apošnim časam stała realnaj prablemaj dla NATA. Na jaho dumku, Biełaruś stanovicca realnaj prablemaj dla biaśpieki rehijona, piša Reform.by.
«My chacieli b, kab padtrymka prychodziła chutčej, rašeńni pavinny prymacca chutčej, asabliva reahujučy na toje, što adbyvajecca pablizu Litvy, asabliva ŭ Biełarusi. Ja skazaŭ prezidentu Bajdenu, što Biełaruś stanovicca sapraŭdnaj prablemaj. Heta nie Biełaruś u 2020 hodzie. Ciapier my nie pavinny žyć iluzijami: hetaja kraina bolš nie niezaležnaja, heta jašče adna hubiernia Rasijskaj Fiederacyi», — zajaviŭ Naŭsieda pierad pačatkam siońniašniaha samitu NATA ŭ Vilni.
Jon ličyć, što prablemy stvaraje vykarystańnie biełaruskaj terytoryi rasijskimi vajskoŭcami, raźmiaščeńnie ŭ krainie jadziernaj zbroi, a taksama mihracyjny kryzis. Svajo bačańnie Naŭsieda maje namier na praciahu dvuch dzion samitu danieści da sajuźnikaŭ pa NATA.
«Biełaruskaja terytoryja całkam dastupnaja dla rasijskich sił dla praviadzieńnia apieracyj suprać Ukrainy. Apošnija abjavy ab tym, što taktyčnaja jadziernaja zbroja budzie raźmieščanaja na biełaruskaj ziamli, znachodziacca na stadyi realizacyi. My viedajem heta. Heta pytańnie času, kali heta budzie zroblena. Jany instrumientalizujuć mihracyju. Heta praciahvajecca, biezumoŭna, nie tak, jak heta było dva hady tamu, ale heta praciahvajecca. Uvieś hety kompleks pakazvaje, što situacyja ź biaśpiekaj u našym rehijonie niestabilnaja, nie palapšajecca, a paharšajecca. Ja spadziajusia, my zmožam danieści heta razumieńnie da našych sajuźnikaŭ, našych partnioraŭ, i heta budzie adnoj z patencyjnych tem našych dyskusij siońnia i zaŭtra», — dadaŭ Naŭsieda.
-
Biełaruski bienzin bje pa kašalkach maskvičoŭ: AZS Rasii vymušany kuplać darahoje paliva ź Biełarusi
-
Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
-
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary