Na hałoŭnaj opiernaj scenie Polščy prajšła repietycyja «Dzikaha palavańnia karala Stacha» Karatkieviča
Na hałoŭnaj opiernaj scenie Polščy prajšła repietycyja «Dzikaha palavańnia karala Stacha» Karatkieviča, paviedamiŭ u svaich sacsietkach kiraŭnik «Svabodnaha teatra» Mikałaj Chalezin.
«Dziakujučy padtrymcy Instytut Teatralny im. Zbigniewa Raszewskiego i Teatr Wielki-Opera Narodowa my repietavali na hałoŭnaj opiernaj scenie Polščy, za što vielmi ŭdziačnyja hetym instytucyjam i ich kiraŭnikam — takaja dapamoha ŭ našych umovach nieacennaja», — napisaŭ Mikałaj Chalezin.
«Na pieršym etapie nas było kala paŭsotni čałaviek z šaści krain śvietu, ale kali my pačniom druhi set u Łondanie, my «vyraściem» amal udvaja. Heta samy maštabny prajekt u historyi Belarus Free Theatre, i całkam dakładna — adzin z samych značnych i śmiełych», — raskazaŭ jon.
«Vakalisty, akciory, mastaki, muzykanty, kinahrupa, mieniedžary, pradziusary — usio adpracoŭvali na 100 adsotkaŭ, biez anivodnaha kanfliktu, što adbyvajecca dosyć redka ŭ vialikich hrupach, jakija źbirajuć takuju kolkaść tvorcaŭ u adziny arhanizm. Usim za heta vialikaja padziaka, i ŭ nas zastajecca tydzień dla taho, kab padrychtavacca da łondanskaha setu», — dadaŭ Mikałaj Chalezin.
Mikałaj Chalezin płanuje pastavić śpiektakl u Łondanie ŭ Mižnarodnym centry mastactva Barbikan. Premjernyja pakazy zapłanavanyja na 14—17 vieraśnia.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary