Siońnia ŭ Vilni projdzie pravasłaŭnaja słužba ŭ padtrymku marafonu salidarnaści z palitviaźniami
«My z ajcom Hieorhijem [Rojem] padumali, što taksama chočam paŭdzielničać u marafonie salidarnaści biełarusaŭ, jaki sabraŭ 430 tysiač jeŭra. Ale jak? Najlepšaje, što mohuć zrabić śviatary (akramia asabistych danataŭ, viadoma ž), — heta malicca», — napisaŭ u svaim telehramie biełaruski śviatar usialenskaj jurysdykcyi Alaksandr Kuchta.
«Kožnuju słužbu my molimsia za tych, chto niespraviadliva siadzić. Kožnuju słužbu my ŭspaminajem palitviaźniaŭ i ich siemji. Kožnuju słužbu my molimsia za tych, chto straciŭ svoj dom i svaju Radzimu i ciapier šukaje miesca ŭ śviecie. Kožnuju słužbu my molimsia za Biełaruś. I kožnuju słužbu my molimsia za Ukrainu.
Ale siońnia my prapanujem kožnamu biełarusu (i kožnaj biełaruscy), chto ŭnios leptu ŭ marafon salidarnaści, napisać imiony blizkich i darahich ludziej. A my z radaściu ŭspomnim kožnaje imia na hetaj słužbie.
«Bo luboŭ i praŭda pavinny pieramahčy, a ŭsiakaje zło pavinna być spyniena. Bo kožnaja ślaza pavinna być ściortaja, a našy spravy pavinny napoŭnicca kłopatam ab blizkich», — napisaŭ Alaksandr Kuchta.
«Kali vy ŭdzielničali ŭ marafonie, prosta pakińcie imiony blizkich vam ludziej u huhł-formie voś tut (ja pamiataju pra biaśpieku). Ci možacie pierajści ŭ hrupu našaha chrama — tam taki ž tekst — i pakinuć imiony tam. Abdymaju kožnaha. Lublu kožnaha. Čakaju kožnaha na słužbie», — napisaŭ jon.
Słužba projdzie ŭ Vilni pa adrasie Bokšto, 4. Heta centr horada, vulica, što prymykaje da Zamkavaj (Pilies), susiedni budynak z karčmoj «1863».
Pačatak a 10-j ranicy.
Zbor na palitviaźniaŭ prabiŭ płanku ŭ 430 tysiač jeŭra! Dałučajciesia da marafonu salidarnaści
Śviatar Hieorhij Roj — pra danosy na jaho, malitvy za Rasiju, jakija dasyłali źvierchu, nadziei na Suśvietny patryjarchat i strach pryvyknuć da niesvabody
Upieršyniu prajšło biełaruskaje nabaženstva ŭ jurysdykcyi Kanstancinopalskaha patryjarchata
Kanstancinopalski patryjarchat padpisaŭ pahadnieńnie ź Litvoj. Jano tyčycca i biełaruskich viernikaŭ
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?78
Kamientary