Vierchniadźvinskaha pradprymalnika pakarali aryštam za «ekstremizm»
Sudździa suda Vierchniadźvinskaha rajona Taćciana Kuklina 11 lipienia za raspaŭsiud «ekstremisckich» materyjałaŭ u sacyjalnych sietkach aryštavała na 15 sutak miascovaha pradprymalnika Viačasłava Demboŭskaha. Sudovaje pasiadžeńnie prajšło biez udziełu «pravaparušalnika», chacia ŭ milicyi z pratakołam ab administracyjnym pravaparušeńni jon byŭ zhodny, piša «Viciebskaja viasna».
Na sudovym pasiadžeńni paviedamlali, što, zhodna z rapartam inśpiektara Miorskaha RAUS, padčas manitorynhu infarmacyi sacyjalnaj sietki «Adnakłaśniki» ŭ asabistym profili Viačasłava mielisia spasyłki na internet-supolnaści «Stop Luka» i «Maja kraina Biełaruś», jakija ŭłady zaličyli da «ekstremisckich».
Paśla daśledavańnia ŭsich piśmovych materyjałaŭ sudździa Kuklina pryjšła da vysnovy, što vina Demboŭskaha dakazanaja ŭ ździajśnieńni im pravaparušeńnia, praduhledžanaha č. 2 art. 19.11 KaAP, i pastanaviła aryštavać mužčynu na 15 sutak z momantu jaho faktyčnaha zatrymańnia.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary